Dövlət Sosial Müdafiə Fondu (DSMF)
tərəfindən Azərbaycanda pensiyaların paylanması üçün müvəkkil bank təşkilatının
seçilməsi məqsədi ilə keçirilən tenderin nəticələri açıqlanıb. SİA-nın xəbərinə görə, DSMF
sədri Səlim Müslümov jurnalistlərə açıqlamasında bildirib ki, tenderin
nəticəsində lotların 43%-də "Kapital bank", 57%-də isə Azərbaycan Beynəlxalq Bankı
qalib gəlib.
Onun sözlərinə görə, Sumqayıt şəhər və Abşeron rayon şöbələri
üzrə ən aşağı qiyməti "Texnikabank" ASC təqdim edib. Lakin "Texnikabank"da yaranan problemləri nəzərə alaraq, Azərbaycan
Mərkəzi Bankına "Texnikabank"ın maliyyə vəziyyəti barədə müraciət edildiyini deyən S.Müslümov qeyd edib ki, müraciətə verilən cavabda
onun qalib elan edilməsinin məqsədəuyğun olmadığı göstərilib: "Dünən komissiya hər iki şöbə üzrə ikinci
yeri tutan "Kapitalbank"a müqavilə imzalamağı təklif edib. Lakin "Kapitalbank" Sumqayıtda bankomat şəbəkəsi geniş
olmadığına görə, təklifi qəbul etməyib. Nəticədə Abşeron rayonu "Kapitalbank"a, Sumqayıt şəhəri isə ABB-yə həvalə
olunub".
DSMF sədri vurğulayıb ki, artıq tenderdə qalib elan edilən banklarla müvafiq müqavilələr imzalanıb. Onun sözlərinə görə, 69 lotdan 22 lot üzrə qalibi müəyyən etmək mümkün olmayıb, çünki həmin lotlar üzrə tenderdə iştirak edən bankların sayı 3-dən az olub. Bu lotlar üzrə təkliflər sorğusu üzrə qalibin müəyyən edilməsi üçün təkliflər sorğusunun keçirilməsi məqsədi ilə Satınalmalar üzrə Dövlət Agentliyinə müraciət edilib.
Bütün xəbərlər Facebook səhifəmizdə
USD
EUR
GBP
RUB