Türkdilli Ölkələrin Parlament Assambleyasının (TürkPA) baş katibi Ramil Həsənov Bakıda səfərdə olan Türkdilli Ölkələr Şurasının (TürkKON) baş katibi səfir Halil Akıncı ilə görüşüb. TürkPA-nın mətbuat xidmətindən SİA-ya verilən məlumata görə, görüşdə iki təşkilat arasında münasibətlərin inkişaf etdiyi vurğulanıb, müxtəlif sahələrdə əməkdaşlığın genişləndirilməsi ilə bağlı məsələlərin uğurla həll olunduğu bildirilib.
R.Həsənov iyunun 14-16-da Qırğızıstanın paytaxtı Bişkek şəhərində TürkPA-nın Asambleya Şurasının III iclası və III Plenar Sessiyasının keçirilməsi ilə bağlı məlumat verib.
Görüşdə bundan sonra TürkPA daimi komissiyalarının iclaslarında və TürkKON daimi komitələrinin toplantılarında qarşılıqlı olaraq hər iki təşkilatın nümayəndələrinin iştirakı qərara alınıb. Təşkilatlar arasında qarşılıqlı əməkdaşlığa dair Memorandum imzalanması haqqında ilkin razılıq əldə edilib.
Bütün xəbərlər Facebook səhifəmizdə
USD
EUR
GBP
RUB