Dünya pravoslav xristianları bu gün ən əsas və ən qədim xristian bayramı olan Pasxanı qeyd edirlər. SİA-nın verdiyi xəbərə görə, bayram ayinləri 60 ölkədə, on minlərlə məbəddə və kilsədə keçirilib.
Qonşu Rusiyada əsas Pasxa ayini Xilaskar İsa Məbədində baş tutub. Onu Moskva və bütün Rusiyanın Patriarxı Kirill keçirib. Dünən gecəyarısına yaxın burada bayram zəngi çalınıb, zəngin səslənməsi İsa peyğəmbərin dirilməsinin yaxınlaşmasını müjdələyib. Qüdsdən Moskvaya \"müqəddəs od\" da gətirilib. Bundan bir neçə dəqiqə sonra bütün məbəd minlərlə şamın yanması ilə işıqlanıb. Məbəd ətrafında xaç dövr etməsi başlayıb. Dindarlar \"İsa dirilib!\" xəbəri ilə hamıya müraciət ediblər. Mərasimdə 18 dildə İncil oxunub ki, bu da qədim bayramın dünyəviliyini göstərmək məqsədi daşıyıb. Bayram ayinində Rusiya prezidenti Dmitri Medvedev və baş nazir Vladimir Putin də öz xanımları ilə, eləcə də Moskva meri Serqey Sobyanin iştirak ediblər. Moskva və bütün Rusiyanın Patriarxı Kirill onları təbrik edərək, Pasxa yumurtaları hədiyyə edib.Moskva və bütün Rusiyanın Patriarxı Kirill televiziya ilə müraciətində hər kəs üçün dua etməyə çağırıb. Rusiya prezidenti Dmitri Medvedev isə pravoslavları internet-müraciətlə təbrik edib.
Qeyd edək ki, təkcə Rusiyada Pasxa ayinləri Rusiya Pravoslav Kilsəsinin 30 mindən çox məbədində keçirilib.
Qeyd edək ki, təkcə Rusiyada Pasxa ayinləri Rusiya Pravoslav Kilsəsinin 30 mindən çox məbədində keçirilib.
Bütün xəbərlər Facebook səhifəmizdə
USD
EUR
GBP
RUB