Bugün Azərbaycan Mətbuat Şurasında (MŞ) yazıçı Fikrət Mursaqulovun əziz xatirəsi anılıb və şair Həzi Həsənlinin müəllifi olduğu "İşıq Əlifbası\" kitabının təqdimat mərasimi keçirilib. SİA-nın xəbərinə görə, tədbiri giriş nitqi ilə açan MŞ-nın sədri Əflatun Amaşov mərhum yazıçının həyat və yaradıcılığına toxunaraq şair haqqında xoş xatirələrini mərasim iştirakçıları ilə bölüşüb. Bildirilib ki, Fikrət Mursaqulov 1955-ci ildə Borçalıda, Marneuli şəhərində anadan olub. Bakıda, gözdən əlil uşaqlar üçün orta internat məktəbini 1975-ci ildə bitirərək Bakı Dövlət Universitetinin jurnalistika fakültəsinə qəbul olunub. Qeyd olunub ki, o 1980-ci ildə universiteti bitirdikdən sonra Azərbaycan Gözdən Əlillər Cəmiyyətinin mətbəəsində ömrünün sonunadək baş redaktor vəzifəsində çalışıb: "Aşıq Ələsgərin poetikası" adlı namizədlik dissertasiyasını yazıb. Alimlik dərəcəsi alacaqdı. Yaşasaydı, görkəmli alim, tanınmış şair ola bilərdi",-deyə sədr sözlərinə əlavə edib.
Daha sonra yazıçının yaxın dostları, tələbə yoldaşları çıxış edərək maraqlı və dəyərli fikirlərini tədbir iştirakçılarının diqqətinə çatdırıb.
Bütün xəbərlər Facebook səhifəmizdə
USD
EUR
GBP
RUB