\"Azərbaycan Hava Yolları\" QSC Türkiyənin bir sıra kurort şəhərləri istiqamətində mövsümi reysləri bərpa edir
\"Azərbaycan Hava Yolları\" QSC Türkiyənin bir sıra kurort şəhərləri istiqamətində mövsümi reysləri bərpa edir. QSC-dən SİA-ya verilən məlumata görə, \"Azərbaycan Hava Yolları\" mayın 27-dən sentyabrın 30-dək Bakı-Antalya-Bakı marşrutu üzrə birbaşa aviareyslər həyata keçirəcək. Təyyarə paytaxtdan hər gün (çərşənbə günündən başqa) yerli vaxtla saat 11:10-da uçacaq. Hər iki tərəfə aviabiletin minimum qiyməti 497 manatdır.
Həmçinin, iyunun 14-dən sentyabrın 13-dək Bakı-Bodrum-Bakı marşrutu üzrə gündəlik aviareyslər də bərpa ediləcək. Təyyarə Bakıdan saat 11:50-də uçacaq. Hər iki tərəfə biletin dəyəri 493 manat təşkil edir.
QSC iyunun 5-dən sentyabrın 8-dək Bakı-İzmir-Bakı marşrutu üzrə uçuşların reallaşdırılmasını da təmin edəcək. Təyyarə paytaxtdan Bakı vaxtı ilə saat 10:50-də uçacaq. Biletlərin minimum qiyməti 341 manatdır.
Bütün xəbərlər Facebook səhifəmizdə
USD
EUR
GBP
RUB