Bu gün Səbail rayon İcra Hakimiyyətində Azərbaycandakı Ukrayna Cəmiyyətinin IV hesabat-seçki konfransı keçirilib. SİA-nın xəbərinə görə, tədbirdə Azərbaycan Respublikası Prezident Administrasiyasının ictimai-siyasi məsələlər şöbəsinin məsul işçisi Azər Fərzəliyev, Ukrayna Cəmiyyətinin rəhbərliyi və digər qonaqlar iştirak ediblər.
Konfransda məlumat verilib ki, Azərbaycanda Ukrayna Cəmiyyəti 1 noyabr 1997-ci ildə təsis edilib, həmin ilin dekabrında isə Ədliyyə Nazirliyi tərəfindən təsdiqlənib. Bu cəmiyyətin Azərbaycandakı fəaliyyətinin əsas məqsədi burada yaşayan bütün ukraynalıların yerli xalqlarla əməkdaşlıq etməsi, onlara sosial, mədəniyyət və təhsil sahələrində köməkliklərin göstərilməsi, Ukrayna xalqının adət-ənənə, dil və və mədəniyyətini qoruyub saxlamaqdan ibarətdir. Bundan əlavə, cəmiyyət, Azərbaycan və Ukrayna xalqları arasındakı əlaqələrin bütün sahələr üzrə daha da inkişaf etməsinə xidmət edir.
Konfransın gündəliyinə uyğun olaraq, tədbirin davamında Azərbaycandakı Ukrayna Cəmiyyətinin hesabatı dinlənilib, cəmiyyətin nizamnaməsində Azərbaycan qanunlarına uyğun olaraq dəyişikliklər edilib və təşkilatın rəhbər orqanlarına yeni tərkib seçilib.
Bütün xəbərlər Facebook səhifəmizdə
USD
EUR
GBP
RUB