Azərbaycan Milli Məclisinin sədr müavini Bahar Muradova İsveçdə fəaliyyət göstərən "Qadın və demokratiya cəmiyyəti"nin təmsilçilərindən ibarət nümayəndə heyəti ilə görüşüb. Bu barədə SİA-ya Milli Məclisin mətbuat xidmətindən məlumat verilib.
Görüşdə Azərbaycanla İsveç arasında əlaqələrdən danışılıb. Vitse-spiker qeyd edib ki, Azərbaycanın seçkili orqanlarda qadınların sayı ildən-ilə artır və hazırda Milli Məclisdə 20 qadın deputat var. Bələdiyyələrə son seçkilərdən sonra yerli özünüidarəetmə orqanlarında qadınlar 27 faizlə təmsil olunub.
İsveç nümayəndə heyətinin rəhbəri Marqareta Ling-Vannerus qeyd edib ki, Bakıya səfərin məqsədi Azərbaycan və İsveç qadınları arasında əlaqələr qurmaq və inkişaf etdirməkdir.
Bütün xəbərlər Facebook səhifəmizdə
USD
EUR
GBP
RUB