Bakıda keçirilən Dünya Azərbaycanlı Gənclər Birliyinin təsis qurultayının qətnaməsi qəbul olunub. SİA-nın xəbərinə görə, qətnamədə dünya birliyinə Ermənistan-Azərbaycan, Dağlıq Qarabağ münaqişəsinin həlli naminə öz səylərini səfərbər etməyə çağırış yer alıb.
Qətnamədə gənclərə dövlət qayğısının artırılması, gənc nəslin vətənpərvərlik ruhunda tərbiyəsi və intellektual potensialının inkişafı istiqamətində həyata keçirilmiş tədbirlər təqdir edilib. Dünya birliyi Ermənistan-Azərbaycan, Dağlıq Qarabağ münaqişəsinin ədalətli həlli naminə öz səylərini səfərbər etməyə çağırılıb, xalqın məruz qaldığı terror və soyqırımı aktları, Ermənistanın təcavüzkar siyasətinin nəticələri barədə dünya ictimaiyyətinin məlumatlandırılması işinin bütün dünya azərbaycanlılarının müqəddəs borcu olduğu vurğulanıb.
Qətnamədə Dünya Azərbaycanlı Gənclər Birliyinin Nizamnaməsi təsdiq
edilib. Dünya Azərbaycanlı Gənclər Birliyinin icra orqanlarına tapşırılıb ki,
bir ay müddətində birliyin dövlət qeydiyyatına alınması üçün zəruri sənədləri
hazırlayıb Azərbaycanın Ədliyyə Nazirliyinə təqdim etsin.
Qətnamədə
İslam Konfransı Təşkilatının Gənclər Forumu tərəfindən həyata keçirilən "Xocalıya
Ədalət - Qarabağa azadlıq" beynəlxalq kampaniyasında
gənclərin daha fəal iştirakının təmini, Xocalı faciəsinin bütün dünyada
soyqırımı kimi tanınması məqsədilə beynəlxalq təşkilatlar, o cümlədən
beynəlxalq gənclər təşkilatları, xarici ölkələrin icra və qanunverici
orqanları, KİV-ləri, QHT-ləri ilə mütəmadi iş aparılmasının zəruriliyi qeyd
edilib. Bundan əlavə,
sənəddə birliyin
bir ay müddətinə rəsmi internet səhifəsinin yaradılması, mətbu orqanının təsisi
nəzərdə tutulub.
Qurultayda təşkilatın Nizamnaməsi və Fəaliyyət Proqramı da qəbul edilib.
Aynurə Asimqızı
Bütün xəbərlər Facebook səhifəmizdə
USD
EUR
GBP
RUB