Nazirlik rəsmisi deyir ki, ötən il çöl quşlarının ovlanmasına edilən qadağalardan əvvəl qanuni ov tüfəngi olan hər kəs lisenziya almaqla ov edə bilərdi. Amma bir şərtlə ki, qırmızı kitaba düşən quşların ovlanmasına yol verilməsin. Lakin quş qripi yayıldığı müddətdə Dövlət Baytarlıq İdarəsi tərəfindən çöl quşlarının ovlanmasına qoyulan qadağalar ov edənləri məyus etdi. Hazırda istər çöl quşları istərsə də heyvanların ovlanması tam qadağan edilib. Raqub Mirzəyev deyir ki, hər il yay fəslinin sonlarında nazirlik tərəfində çöl heyvanlarının ovlanması üçün icazə verilir, lakin, bu da xüsusi şərtlər altında: "Ov etmək üçün sənədli ov tüfəngi olmalıdır. Bunula yanaşı ov etmək istəyən şəxsə nazirliyin yerli idarələri tərəfindən ov edilməsi ilə bağlı lisenziya verilməlidir. Hətta ovçular xüsusi təyin edilən ərazilərdə ov edə bilərlər".
Qeyd edək ki, Ekologiya və Təbii Sərvətlər Nazirliyinin aidiyyatı qurumları tərəfindən qanunsuz ov hallarının qarşısının alınması ilə əlaqədar reydlər davam etdirilir. Reydlər zamanı müsadirə edilən ovlanan çöl quşları və heyvanlar aktlaşdılrılaraq yandırılır. İnzibati xətalar məcəlləsinin müvafiq bənlərinə əsasən qadağan olunan ov silahı, qadağan olunan quşların ovlanması və qadağan edilən şəxslər tərəfindən ovculuqla məşğul olmaq tam yasaqlanaraq 1000 manatdan 2000 manata kimi cərimə edilir.
Bütün xəbərlər Facebook səhifəmizdə
USD
EUR
GBP
RUB