Mübariz Əhmədoğlu: \"Azərbaycan torpaqlarının işğalı 1988-ci ilin fevral ayında baş verənlərdən qaynaqlanıb\"
O qeyd edib ki, 1988-ci il fevralın 20-də ermənilərin DQMV-nin Azərbaycan SSRİ-nin tərkibindən çıxarılıb Ermənistan SSR-in tərkibinə birləşdirməklə bağlı qərarı, 1988-ci il 22 fevral tarixində iki azərbaycanlı gəncin ermənilər tərəfindən şüurlu şəkildə qətlə yetirilməsi və 1988-ci ilin fevralın 27-28-də Sumqayıtda törədilən hadisələr vahid prosesin bir-birinə bağlı müxtəlif halqalarıdır.
\"Sonrakı qırğınlar, o cümlədən Xocalı soyqırımı və Azərbaycan torpaqlarının işğalına gedən yol da 1988-ci ilin fevral ayında baş verənlərdən qaynaqlanıb. Ona görə 1988-ci il fevralın 20, 22 və 27-28-də baş verənləri vahid siyasi proses kimi qəbul edib, vahid cinayət işinin açılması daha məqsədəuyğundur\", - politoloq deyib.
Onun sözlərinə görə, Ermənistan rəhbərliyinin baş verənləri dərk etməyə gücü çatmır və ya dərk etmək istəmirlər. Ona görə də əlavə tədbirlərə ehtiyac vardır.
Bütün xəbərlər Facebook səhifəmizdə
USD
EUR
GBP
RUB