Ekologiya və Təbii Sərvətlər Nazirliyi respublika ərazisində çöl quşlarının və heyvanların qanunsuz ovlanması və satılması hallarının qarşısını almaq məqsədilə reydlər keçirib.
SİA-nın verdiyi xəbərə görə, adıçəkilən nazirliyin aidiyyəti qurumları tərəfindən cari ilin 28-29 fevral tarixlərində keçirilən reydlər zamanı ümumilikdə, qanunsuz ov edən 10 nəfərdən 5 ədəd ov tüfəngi, 9 ədəd quş, 40 ədəd balıq, 4 qayıq, 4 avar, 5 tor, 3 akkumulyator, 3 işıqlandırıcı və 3 domca götürülərək müvafiq qaydada aktlaşdırılıb.
Qanun pozuntusuna yol vermiş şəxslər barəsində inzibati qaydada, ümumilikdə 4782 manat məbləğində cərimə tətbiq edilib.
Belə ki, Tovuz rayonu ərazisində qanunsuz ovla məşğul olan 1 nəfər (1 ov silahı), Qobustan rayon ərazisində 1 nəfər (9 ədəd bəzgək quşu), Abşeron rayonu ərazisində 1 nəfər (1 ov silahı), Şəki rayonu ərazisində 1 nəfər (1 ov silahı), Qızılağac Dövlət Təbiət Qoruğunun ərazisində 4 nəfər (4 qayıq, 4 avar, 4 tor, 3 akkumulyator, 3 işıqlandırıcı, 3 domca, 13 ədəd külmə, 14 ədəd karp və 13 ədəd daban balığı), Ağgöl Milli Parkı ərazisində 2 nəfər (2 ov silahı) saxlanılaraq həmin şəxslər barəsində protokol tərtib olunub və müvafiq qaydada cərimə tətbiq edilib. Müvafiq sənəd təqdim etməyən qanun pozucularının şəxsiyyətlərini müəyyənləşdirmək üçün aidiyyəti Rayon Polis Şöbələrinə müraciət edilib.
Bundan başqa Xaçmaz rayonu ərazisində kütləvi quş ovu məqsədilə yaradılmış qurğu (nığa) və 1 ədəd tor aşkarlanaraq məhv edilib.
Bütün xəbərlər Facebook səhifəmizdə
USD
EUR
GBP
RUB