Sabah "SOS Uşaq Kəndləri-Azərbaycan" Assosiasiyasının Sumqayıt Təhsilə Dəstək Mərkəzinin açılışı keçiriləcək. SİA-nın xəbərinə görə, Sumqayıt şəhəri 11 saylı orta məktəbin ərazisində yerləşən Sumqayıt Təhsilə Dəstək Mərkəzinin bu tədbirində şəhərdə fəaliyyət göstərən müxtəlif dövlət və QHT nümayəndələrinin iştirakı nəzərdə tutulub. Tədbir iştirakçılarına Mərkəzdə uşaqların təhsil səviyyələrinin yüksəldilməsi, təhsil hüquqlarının qorunması üçün təşkil olunmuş xidmətlərlə yaxından tanış olmaq imkanları yaradılacaq.
Xatırladaq ki, SOS Uşaq kəndlərinin missiyası valideyn himayəsindən məhrum uşaqları ailə əsaslı qayğı ilə əhatə etməkdir. Dövlətin fəal iştirakı, diğər donorlar və fərdi xeyriyyəçilərin də dəstəyi ilə Bakı və Gəncədə yerləşən SOS Uşaq Kəndlərində 170 uşağa ailə mühiti yaradılıb. Bundan əlavə, Assosiasiyanın 10-a yaxın müxtəlif sosial layihələri çərçivəsində il ərzində minlərlə uşaq müxtəlif yardımlardan faydalanır.
Bütün xəbərlər Facebook səhifəmizdə
USD
EUR
GBP
RUB