Azərbaycanda müşahidə olunan kəskin hava şəraiti ilə əlaqədar Heydər Əliyev Beynəlxalq Hava Limanında bir sıra aviareyslərin həyata keçirilməsi təxirə salınıb. Heydər Əliyev Beynəlxalq Hava Limanından SİA-ya verilən xəbərə görə, Bakı-Minsk, Bakı-Moskva, Bakı-Nijni Novqorod, Bakı-Praqa kimi aviareyslər, sabah saat 04:50-də yerinə yetiriləcək Bakı-Frankfurt təyyarəsinin uçuşu dayandırılıb.
Hava şəraitinin əlverişsiz olması ilə əlaqədar bu gün saat 05:25-də və 08:00-da həyata keçirilməsi planlaşdırılan "Türk Hava Yolları" aviaşirkətinə məxsus Bakı-İstanbul aviareysi də təxirə salınıb. Ümumiyyətlə, bu gün aeroportdan yalnız Bakı-London aviareysi yerinə yetirilib. Bakı-Praqa, Bakı-Moskva, Bakı-Aberdin üzrə reyslər artıq hazırlanıb, sərnişinlər təyyarələrdədirlər və görmə şəraiti imkan verən kimi uçuşlar həyata keçiriləcək. Bununla belə, Bakıda bir reysi artıq qəbul ediblər. Tehran-Bakı reysi ilə gələn təyyarə saat 09:03-də Bakıya çatıb.
Daxili aviareyslərə gəlincə isə Bakı-Naxçıvan aviareysi saat 11:00-dək təxirə salınıb. Hazırda Bakı-Gəncə aviareysinə qeydiyyat başlayıb və yəqin ki, sözügedən aviareys yerinə yetiriləcək.
Bütün xəbərlər Facebook səhifəmizdə
USD
EUR
GBP
RUB