Yade Universitetinin Beynəlxalq məsələlər üzrə prorektoru Vaythöner və Beynəlxalq şöbənin müdiri Andrea Menn Bakıda birgünlük işgüzar səfərdə olublar. SİA-nın xəbərinə görə, qonaqlar Almaniyanın Yade Universitetində DAAD təqaüdü ilə oxuyacaq iki tələbənin ATİ-nin Beynəlxalq Əlaqələr və Layihələr şöbəsi ilə birlikdə seçimini həyata keçirib. ATİ-Yade arasında bağlanacaq ikitərəfli əməkdaşlıq müqaviləsinin geniş tərkibdə imzalanmasını qərara alıblar. Həmçinin, Yade Universitetinin əməkdaşları 2012-ci ildə bu ölkənin Vihelmsafen şəhərindəki alman dili yay məktəbi kursunda iştirak edəcək tələblərlə görüşüb, onların kursla və təhsillə bağlı suallarını cavablandırıblar.
Birgünlük səfər çərçivəsində TEMPUS-un 2012-ci il "Davamlı turizm idarəçiliyi üzrə beynəlxalq bakalavr və magistr proqramlarının yeni modullarının inkişafı" layihəsinin Bakı partnyorları - Azərbaycan Turizm Asossasiyası, Bakı Turizm İnformasiya Mərkəzi, Millennium Turizm şirkəti, Bakı Dövlət Universiteti, "Təbiət dostları" və EkoSfera QHT-lərinin nümayəndələri ilə birlikdə təklif olunan layihənin texniki məslələri müzakirə edilib. Səfərin sonunda isə Tədqiqat və İnkişaf şöbəsinin baş metodisti və ATİ-nin ekoturizm üzrə müəllimi Gila Altmanna Azərbaycanda göstərdiyi fəaliyyətə görə institutun Təşəkkürnaməsi təqdim olunub.
Bütün xəbərlər Facebook səhifəmizdə
USD
EUR
GBP
RUB