2011-ci
il ərzində Səbail rayon Polis İdarəsinin şəxsi heyəti tərəfindən rayon
ərazisində 679 cinayət hadisəsi qeydə alınıb, onlardan 462-nin və ya
70,4 %-nin açılması təmin olunub. SİA-nın xəbərinə görə, bunu Səbail rayon Polis İdarəsinin rəisi İlqar
Mahmudov ilin yekunlarına dair keçirilən hesabat yığıncaqda çıxışı zamanı
deyib. O bildirib ki, həyata keçirilən profilaktiki tədbirlərə baxmayaraq baş vermiş
cinayətlərin sayı 6 fakt artıb, cinayətlərin açılması
74,5%-dən 70,5 %-ə dək azalaraq, 4,1 % pisləşib. Rəisin sözlərinə görə, ağır və xüsusi ilə ağır cinayətlərin sayı əvvəlki
illə müqayisədə 97-dən 104-dək və ya 7 fakt artıb, açılma faizi də
72,6%-dən 64,8%ədək azalaraq 7,8 % pisləşib.
"Naməlum şəkildə baş vermiş cinayətlər
338-dən 317-ədək azalaraq açılma faizi 45,8 % təşkil edib.
Əvvəlki illə müqayisədə bu göstərici 88,8 %-dən 64,0%-dək aşağı düşərək, 24, 8%
pisləşib. Baş verən
oğurluq cinayətləri 164-dən 174-ədək və ya 10 fakt artıb,
onların 51-nin və ya 30%-nin açılması təmin edilərək açılma faizi əvvəlki ilin
müavifq dövrü ilə müqayisədə 6,5 % pisləşib. Açılmayan
oğurluq hadisələrinin 43-ü mənzil oğurluğudur.Keçmiş illərdən bağlı qalan
cinayətlərin açılması istiqamətində aparılan işlər davam etdirilib,
keçirilən tədbirlər nəticəsində 8 cinayətin açılması mümkün olub.
Keçən il xarici vətəndaşlara qarşı törədilən 13
cinayət hadisəsindən 7-nin və ya 53,8 %-nin açılması təmsin edilib,
həmin vətəndaşlar tərəfindən 1 cinayət hadisəsi qeydə alınaraq açılması təmin
olunub", - deyə o əlavə edib.
Hesabat dövründə Polis İdarəsi əməkdaşların
keçirdikləri tədbirlər nəticəsində 136 cinayətkardan 87-nin və ya 64,0%-nin, o
cümlədən, qəsdən adam öldürməyə görə 2-dən 1-nin, soyğunçuluğu görə 1-dən 1-nin,
sağlamlığı ağır xəsarət yetirdiyinə görə 1-dən 1-nin oğurluğa görə 11-dən
6-nın, dələduzluğa görə 43-dən 22-nin, xuliqanlığa görə 11-dən 9-nun və digər
cinayətlərə görə 67-dən 47-nin saxlanılması təmin edilib, qalıq 49 nəfər qalıb. Eyni zamanda, əvvəlki illərdən axtarışda olan 44 nəfərdən 9-u və
ya 20,5 %-i tutularaq məhkəmə və istintaq orqanlarına təhvil verilib. Həmçinin, keçmiş illərdən axtarışda olan 4 nəfər xarici
ölkələrdə tutulub və hazırda onların ekstradisiya məsələləri həll olunur.Xəbərsiz itkin düşən 26 nəfərdən 16-ı və ya 61,5%-i tapılaraq
qohumlarına və yaxınlarına təhvil verilib. 2011-ci
il ərzində Səbail rayon Polis İdarəsi əməkdaşları tərəfindən həyata keçirilən əməliyyat- axtarış tədbirləri nəticəsində rayon
ərazisində narkotiklərlə bağlı 48 cinayət faktı aşkarlanıb ki, bu da əvvəlki illə müqayisədə 16 fakt və ya 25
% az olub. Aşkar edilən 48 faktdan 17-i satış, qalanları isə narkotik
vasitələrin qanunsuz saxlanılması və qəbulu ilə əlaqədar olub.
Bütün xəbərlər Facebook səhifəmizdə
USD
EUR
GBP
RUB