Bakı Şəhər Gənclər və İdman Baş İdarəsinin rəisi Raqif Abbasov Azərbaycanın xaricdə təmsil olunmasında və ölkəmizin inkişaf etməsinə mühüm yer tutan gənclərin fəaliyyətindən danışıb. Azərbaycan Respublikasının prezidenti İlham Əliyevin gənclərin inkişafına verdiyi töhfədən söz açıb. Həmçinin, bu il Prezidentin fərmanı ilə "İdman İli" elan olunması ilə əlaqədar olaraq paytaxtda keçiriləcək tədbirlərdən, eləcə də respublikanın regionlarında gənclərin fəaliyyətinin yüksək səviyyədə təşkili xüsusi vurğulanıb.
Qeyd edək ki, bədii əyləncəli tədbirdə bir neçə gəncə göstərdikləri mühüm fəaliyyətlərə görə diplomlar təqdim olunub.
Gənclər və İdman Nazirliyinin Aparatının rəhbəri Fuad Hacıyev, Azərbaycan Gənclər Fondunun sədri Fərhad Hacıyev, millət vəkilləri Ceyhun Osmanlı və Sevinc Fətəliyeva təltif olunma mərasimində iştirak edərək diplomları sahiblərinə təqdim ediblər.
Təltif olunanlar arasında müxtəlif gənclər təşkilatlarının üzvləri, Qeyri-hökümət Təşkilatları və Kütləvi İnformasiya Vasitələri nümayəndələri olub. Tədbir bədii əyləncəli hissə ilə davam edib.
Orxan Faiqov
Bütün xəbərlər Facebook səhifəmizdə
USD
EUR
GBP
RUB