Bu gün Bakı Avrasiya Universitetində 20 Yanvar faciəsinin 22 ildönümü münasibəti ilə tədbir keçirilib. SİA-nın məlumatına görə, universitetin rektoru Nazim Hüseynli çıxışında qanı hadisə ilə tədbir iştirakçılarına ətraflı məlumat verib.
\"1990-cı ilin 20 yanvar tarixində baş verən hadisələr xalqın yaddaşından heç vaxt silinməyəcək. 20 yanvar hadisələri SSRİ rəhbərliyinin etdiyi qəddarlıqdır. Bu azğınlığın dünyada tayı- bərabəri yoxdur. 20 yanvar faciəsini Azərbaycan xalqı heç vaxt unutmayacaq. Buna görə də ölkəmiz güclü və düşmənlərinə qarşı həmişə ayıq olmalıdır",- deyə rektor əlavə edib.
N. Hüseynli onu da bildirib ki, zaman keçdikcə 20 Yanvar şəhidlərinə ehtiram daha da artır: \"20 yanvar gecəsinin bütün olaylarından çox deyilib, çox yazılıb. Bundan neçə illər sonra da yazılacaq\".
Tədbir mövzu ətrafında müzakirələrlə davam edib.
Bütün xəbərlər Facebook səhifəmizdə
USD
EUR
GBP
RUB