Gənclər üçün Təhsil Mərkəzi 20 Yanvar faciəsinin 22-ci ildönümü ilə əlaqədar olaraq "22 ildir unutmuruq!" adlı internet aksiyaya başlayır. Mərkəzin mətbuat xidmətinin rəhbəri İnqilab Fərzəliyevin SİA-ya verdiyi xəbərə görə, aksiya nəinki Bakı şəhərində, eyni zamanda Mərkəzin regional ofislərində də keçiriləcək. Aksiya çərçivəsində müəyyən edilmiş qrafikə uyğun olaraq gənclər növbəli şəkildə internet vasitəsi ilə 20 Yanvar faciəsinə həsr olunmuş məqalə, foto, bəyanat və bu kimi digər materialları dünyanın müxtəlif nöqtələrinə, ali təhsil ocaqlarına, beynəlxalq təşkilatların elektron ünvanlarına, populyar internet səhifələrə, əcnəbi qəzet və jurnallara göndərəcəklər.
18-20 yanvar tarixində keçiriləcək aksiyanın əsas məqsədi Azərbaycan gəncliyi adından dünya ictimaiyyətinə, xüsusilə də ali təhsil ocaqlarına və beynəlxalq təşkilatlara 20 Yanvar faciəsi ilə bağlı həqiqətləri çatdırmaq və 22 il öncə baş vermiş faciəyə hüquqi qiymətin verilməsini tələb etməkdir.
Qeyd edək ki, aksiya yalnız Azərbaycanda deyil, paralel olaraq dünyanın müxtəlif ölkələrində təhsil alan Mərkəz üzvləri tərəfindən də həyata keçiriləcək.
Bütün xəbərlər Facebook səhifəmizdə
USD
EUR
GBP
RUB