Azərbaycanda türklərə mina və hərbu sursatların aşkarlanması və zərərsizləşdirilməsi kursu keçirilib
Azərbaycan Ərazilərinin Minalardan Təmizlənməsi üzrə Milli Agentliyin (ANAMA) mütəxəssiləri tərəfindən Türkiyənin Kimya Sənaye Endüstrinin 10 nəfər əməkdaşına keçirilən humanitar 4 həftəlik kurs başa çatıb. Qardaş ölkənin mütəxəssislərinə təlimləri başa vurmaları münasibətilə sertifikatlar verilib. SİA-nın Qarabağ bürosunun verdiyi xəbərə görə, Horadiz Regional Bazasından bildirilib ki, qardaş ölkədən gələn mütəxəssislər bir aya yaxındır mina və partlamamış hərbi sursatların aşkarlanması və zərərsizləşdirilməsi biliklərinə yiyələniblər. ANAMA-nın şöbə müdiri Elnur Qasımovun sözlərinə görə, bu günədək Azərbaycan mütəxəssiləri 5 ölkədən 280 nəfərdən çox şəxsə mina və partlamamış sursatların zərərsizləşdirilməsini aşılayıblar. Bu gün başa çatan kurs isə türkiyəli nümayəndələrə keçirilən sayca 5-ci təlimdir.
Hazırda Türkiyə-Suriya sərhədlərində mövcud olan minalı ərazilərin təmizlənməsi üçün Azərbaycanda tədris alan mütəxəssislərin bilik və bacarıqlarından istifadə olunacaq.
Şamxal Adıgözəlov
Bütün xəbərlər Facebook səhifəmizdə
USD
EUR
GBP
RUB