Türkiyə
Böyük Millət Məclisi nümayəndə heyətinin Fransa səfəri davam edir. SİA-nın
Türkiyə mətbuatına istinadən verdiyi xəbərə görə, Fransa parlamentində qondarma
erməni soyqırımının inkar edilməsini qadağan edən qanunun səsverməyə
qoyulmasına bir gün qalmasına baxmayaraq tərəflər arasında danışıqlar davam
edir. Türkiyə Böyük Millət Məclisinin Xarici Əlaqələr Komissiyasının sədri
Volkan Bozkırın başçılıq etdiyi heyət dünən Fransa prezidenti Nikolya
Sarkozinin diplomatik təmsilçisi Jan-David Levit və Fransa parlamentinin sədri
Bernar Akui ilə danışıqlar aparıb.
Bu gün
isə Türkiyə nümayəndə heyəti Fransanın xarici işlər naziri Alen Jüpe ilə
görüşüb. Görüş qapalı keçib.
Qeyd edək ki, dekabrın 22-də Fransa Senatında səsverməyə çıxarılacaq qanun layihəsinin qəbul edilcəyi təqdirdə, qondarma erməni soyqırımını inkar edən şəxsi 1 il həbs cəzası yaxud da 45000 avro məbləğində cərimə gözləyəcək.
Bütün xəbərlər Facebook səhifəmizdə
USD
EUR
GBP
RUB