"Caspian Plaza" otelində Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının maddi dəstəyi ilə həyata keçirilən "Əhali arasında ictimai davranış qaydalarının təkmilləşdirilməsinə dair piar kampaniyaların keçirilməsi, reklam vasitələrinin nümayişi və Bakı, Sumqayıt, Quba, Lənkəran şəhərlərindəki məktəblilər, valideynlər, könüllülər üçün mövzu üzrə təlimlərin təşkili" layihəsi çərçivəsində yekun hesabat konfrans keçirilib.
Bir sıra qeyri-hökumət təşkilatı nümayəndələrinin, məktəb direktorlarının, müəllim-şagird kollektivlərinin, valideynlərin iştirakı ilə keçirilən konfransı giriş sözü ilə açan "Azərbaycan Valideyn Müəllim Assosiasiyası" İctimai Birliyinin icraçı direktoru Təranə Şərifova ictimai davranış qaydalarının təkmilləşdirilməsinə dair layihə çərçivəsində keçirilən sorğular, görüşlər, dəyirmi masalar barədə ətraflı məlumat verib. Qeyd olunub ki, əhali arasında bu aktual mövzuya diqqətin artırılması vacib məsələlərdəndir.
Ekspert Şahin Rəcəbov layihənin mahiyyəti, görülən işlər, fəaliyyətin nəticələri barədə iştirakçılara geniş məlumat verib. Plana müvafiq olaraq icra edilmiş işlərdən çəkilən şəkillər əyani vəsait kimi nümayiş etdirilib.
Məktəb direktorları, valideyn və müəllimlər ictimai davranış qaydalarının təbliğinin cəmiyyət üçün ümdə məsələlərdən olduğunu önə çəkərək, "Azərbaycan Valideyn Müəllim Assosiasiyası" İctimai Birliyinin aktual bir problemi ictimai gündəmə gətirməsini təqdir ediblər.
5, 46, 54, 239, 276, 152 saylı məktəblərin şagirdləri çıxışlarında daha çox ailələrdə ictimai qaydaların geniş yayılmasını, məktəblə ailə arasında bu sahədə əməkdaşlığın genişləndirilməsini labüd hesab ediblər. Onlar belə layihələrin davam etdirilməsinin və ölkə üzrə kütləvi maarifləndirmə kampaniyalarının keçirilməsinin vacibliyini vurğulayıblar.
Konfransda iştirak edən məktəblilər ictimai davranış qaydalarının təbliğinə yönələn şüarların əks olunduğu köynəklərdə ictimai yerlərdə gəzdiklərini və hamının, xüsusən gənclərin bu şüarlar maraqlarının artdığını bildiriblər. Şagirdlər belə aksiyaların əhəmiyyətindən danışaraq ictimai davranış qaydalarının təbliğinin davam etdirilməsinin gərəkliliyini diqqətə çatdırıblar.
Mərasimdə ictimai davranış qaydalarının təbliği mövzusunda şagirdlərin hazırladıqları səhnəciklər göstərilmişdir. Sonda iştirakçılara buklet və maykalar paylanmış, xatirə şəkli çəkilib.
Bütün xəbərlər Facebook səhifəmizdə
USD
EUR
GBP
RUB