Noyabr ayında Azərbaycanda işgüzar səfərdə olan BMT-nin İqtisadi-Sosial Şurasının (ECOSOC) QHT-lər üzrə bölməsinin rəhbəri Andrey Abramov Beynəlxalq Avrasiya Mətbuat Fondunun (BAMF) sədri Umud Rəhimoğluna məktub ünvanlayıb. Bu barədə SİA-ya BAMF-ın informasiya departamentindən məlumat veriblər. A.Abramov Azərbaycana səfərinin çox yüksək səviyyədə keçirildiyini və nəticələrdən məmnun qaldığını yazıb: "Hörmətli Umud! Azərbaycana səfərim zamanı ölkənin yüksək səviyyəli rəsmiləri və qeyri-hökumət təşkilatları ilə silsilə görüşlərdə iştirak etdiyim zaman Beynəlxalq Avrasiya Mətbuat Fondu tərəfindən mənə göstərilən yüksək qonaqpərvərlik, dostluq və çox gözəl əməkdaşlıq üçün ən dərin təşəkkürümü bildirmək istərdim. Tərtər və Bərdə rayonlarına səfərlərimiz məlumat əldə etmək, qaçqın və məcburi köçkünlərin bəzən ürək ağrıdıcı olan vəziyyətini və ehtiyaclarını anlamaq üçün çox faydalı oldu.
Səfər həmçinin, Azərbaycanın dinamik vətəndaş cəmiyyətinin inkişafının perspektivlərini və bu istiqamətdə olan fikirləri bilmək baxımından da yararlı oldu. Azərbaycan Respublikasının Baş nazirinin müavini, Beynəlxalq Humanitar Yardım üzrə Respublika Komissiyasının sədri cənab Əli Həsənovla, Azərbaycan Respublikasının Prezident Administrasiya ictimai-siyasi şöbəsinin rəhbəri cənab Əli Həsənovla, Azərbaycan Respublikası Prezidenti yanında QHT-lərə Dövlət Dəstəyi Şurasının sədri, millət vəkili cənab Azay Quliyevlə, habelə Gənclər və Turizm nazirinin müavini cənab İntiqam Babayev və digər yüksək səviyyəli dövlət rəsmiləri ilə görüşlərimizdən çox məmnun qaldım. Cənab Fuad Muradov kimi gənc ümidverici parlament üzvləri və gənc QHT nümayəndələri ilə görüşlərimiz birgə fəaliyyət göstərə biləcəyimiz nöqtələri müəyyənləşdirməkdə çox kömək etdi. Mənimlə görüşə vaxt ayırdıqlarına görə, əziz Umud, sizin vasitənizlə onlara öz təşəkkürümü bildirmək istərdim.
Azərbaycan Respublikası Prezidenti yanında QHT-lərə Dəstək Şurasının sədri cənab Azay Quliyev və Azərbaycan QHT-ləri nümayəndələri ilə görüşümüz zamanı Beynəlxalq Avrasiya Mətbuat Fondunun BMT üzrə QHT-lərin Milli Koordinatoru seçilməsi münasibətilə sizi və bütün heyətinizi təbrik etmək istərdim. QHT Bölməsi olaraq biz 2012-ci ildə müzakirə etdiyimiz istiqamətlərdə Fondla əməkdaşlığımızı gücləndirməyi nəzərdə tuturuq."
Bütün xəbərlər Facebook səhifəmizdə
.jpg)
USD
EUR
GBP
RUB
