Dünən AMEA Mərkəzi Elmi Kitabxanasında (MEK) tanınmış alim, əməkdаr еlm хаdimi, tarix elmləri doktoru, professor Abuzər Xələfovun 80 illik yubileyi ilə əlaqədar konfrans keçirilib. SİA-nın xəbərinə görə, tədbirdə Azərbaycanın tanınmış elm adamları, həmçinin respublikamızda fəaliyyət göstərən kitabxanaların rəhbər və əməkdaşları, alimin yetirmələri iştirak ediblər.
Konfransı giriş
sözü ilə AMEA prezidenti Mahmud Kərimov açaraq alimin Azərbaycanda kitаbхаnаşünаslıq
elminin bir elm kimi təşəkkül tapmasında, inkişaf etdirilməsi istiqamətində
yorulmaz fəaliyyətindən danışıb. O bildirib ki, alimin gərgin əməyi nəticəsində
kitаbхаnаşünаslıq elmi digər elmlər sırasında
özünə yer tapmış, ölkəmizdə önəmli peşələrdən birinə çevrilib.
Kitabxananın
direktoru, fil.e.d. Aybəniz Əliyeva-Kəngərli "Milli ziyalılıq meyarı" adlı
məruzə ilə çıxış edərək A.Xələfovun elmi, pedaqoji və idarəçilik fəaliyyətinin
ilk dövrlərdən başlayaraq hazırkı dövrədək olan məqamlarına nəzər salıb. O
bildirib ki, A.Xələfov bu elm sahəsi üzrə ilk dəfə olaraq namizədlik və
doktorluq dissertasiyaları müdafiə edib, kitаbхаnаşünаslığın
bir elm olmasını sübuta yetirib və onun elmi cəmiyyətdə qəbul edilməsinə nail
olub. Digər alimlər A.Xələfovun elmi fəaliyyətindən söhbət açaraq bildiriblər
ki, alimin gördüyü bütün işlər, yazdığı kitablar, yaratdığı elmi irs onu tarix
boyu yaşadacaq.
Bütün xəbərlər Facebook səhifəmizdə
USD
EUR
GBP
RUB