Milli Məclisin bu gün
keçirilən iclasında "Hərbi vəzifə və hərbi xidmət haqqında" qanun layihəsi
müzakirəyə çıxarılıb.
SİA-nın xəbərinə görə, parlament sədrinin birinci müavini, təhlükəsizlik və
müdafiə komitəsinin sədri Ziyafət Əsgərov qanun layihəsi haqqında məlumat verib.
Bildirib ki, qanun layihəsi 9 fəsil və 54 maddədən ibarətdir.
\"Magistrlara həqiqi hərbi xidmətdən möhlət hüququnun verilməsi, çağırış kampaniyalarının sayının 4-dən 2-yə
endirilməsinə dair məsələlər qanunda yer almayıb\",- deyən Z. Əsgərov yeni qanunda
hərbi vəzifəlilərin ehtiyatda olduqları dövrdə hərbi təlim, hərbi yoxlama və
xüsusi toplanışlara çağırılmasına dair müddəaların yer aldığını diqqətə
çatdırıb.
Millət vəkili Zahid Oruc qanun layihəsinin Rusiyanın eyniadlı sənədindən faydalandığı deyib, eyni zamanda magistrlara möhlət hüququnun verilməsinin vacibliyinə toxunub.
Qüdrət Həsənquliyev da magistraturaya daxil olanların hərbi xidmətə çağırılmamasının tərəfdarı olduğunu söyləyib.
Deputatlar Qənirə Paşayeva Aydın Mirzəzadə, Elmira Axundova, Mübariz Qurbanlı,
Tahir Rzayev Çingiz Qənizadə, Aqiyə Naxçıvanlı və digərləri qanun layihəsi
barədə öz fikir və təkliflərini bildiriblər.
Bütün xəbərlər Facebook səhifəmizdə
USD
EUR
GBP
RUB