"Məişət zorakılığına, qadınlara qarşı zorakılıqla sərt mübarizə aparmalıyıq. Məişət zorakılığı cəmiyyətə öz mənfi təsirini göstərir və insan haqlarının kobud şəkildə pozuntusudur." SİA-nın xəbərinə görə, bunu millət vəkili Qənirə Paşayeva ABŞ-ın Azərbaycandakı səfirinin iqamətgahında qadınlara qarşı zorakılığının aradan qaldırılmasına həsr edilmiş tədbirdə deyib. O, Azərbaycanda məişət zorakılığına qarşı mübarizə istiqamətində qanunun qəbulunu çox yüksək dəyərləndirərək bu qanunun həyata keçməsi istiqamətində bütün cəmiyyətin səfərbər olmasının vacibliyini vurğulayıb.
Məişət zorakılığı hallarının bütün dünyada baş verdiyini vurğulayan millət vəkili Qənirə Paşayeva bildirib ki, qadınlara qarşı zorakılıqla sərt mübarizə aparan ölkələrin təcrübəsi göstərir ki, müsbət nəticələr əldə etmək olur. O, Azərbaycanın da məhz bu yolla gedərək məişət zorakılığına qarşı ciddi mübarizəyə başladığını deyib.
Bütün xəbərlər Facebook səhifəmizdə
USD
EUR
GBP
RUB