"Aşura mərasimindən heç kimin siyasi məqsədlər üçün istifadə etməyə haqqı çatmır". SİA-nın bölgə müxbiri xəbər verir ki, bu fikirləri keçirilən müşavirədə Gəncə şəhər İcra Hakimiyyətinin başçısı Elmar Vəliyev bildirib. Onun sözlərinə görə, Gəncə şəhərində zəncir vurmaq və qan çıxarmaq kimi nümayişlərə icazə verilməyəcək. Bu siyahıya səs gücləndirici vasitələrdən istifadə də daxildir.
İcra başçısı əlavə edib ki, belə nümayişlərə xüsusən tələbə və həddi buluğa çatmayan insanlar cəlb olunur. Bu da narahat edən məqamlardandır. Aşura mərasiminin iş günü olmasına diqqət çəkən Elmar Vəliyev hər kəsin həmin gün işdə olmasını və gənclərin belə mərasimlərə cəlb olunmasının qarşısının alınmasının vacibliyini dilə gətirib. İş saatından sonra isə hər kəs ziyarət edə bilər və ya ehsan verə bilər.
Müşavirədə iştirak edən ziyalılarda məsələyə öz münasibətlərini bildiriblər. Təkliflər arasında aşura günü qanvermə aksiyalarının təşkili, kimsəsizlər və uşaq evlərinin ziyarəti, onlara yardım kimi müxtəlif təkliflər səslənib.
Məlumat üçün qeyd edək ki, aşura mərasimi Gəncənin İmamzadə türbəsində keçirilir.
Bütün xəbərlər Facebook səhifəmizdə
USD
EUR
GBP
RUB