Rauf Zeyni: “İrana qarşı hərbi əməliyyatlar regionda ekoloji, iqtisadi, sosioloji gərginlik yarada bilər” - MÜSAHİBƏ
Milli QHT Forumunun prezidenti Rauf Zeyninin Səs TV-yə müsahibəsi:
- Rauf müəllim, İrana qarşı hərbi əməliyyat başlayarsa bu, regionda hər hansı ekoloji və demoqrafik gərginlik yarada bilər?
- İranla İsrail arasında davam edən gərginlik, ABŞ və digər Qərb dövlətlərinin İsrailə dəstəyi, Beynəlxalq Atom Enerjisi Təşkilatının(MAQATE) İranla bağlı yaydığı hesabat deməyə əsas verir ki, bu ölkənin vurulacağı haqda yayılan xəbərlər reallaşa bilər. Təbii ki, İran sadə bir ölkə deyil. Strateji, iqtisadi, hərbi, ideoloji potensialı nəzərə alsaq demək olar ki, İran bölgədə güclü dövlətlərdən biridir. Buna baxmayaraq bu ölkənin zəif tərəfləri kifayət qədərdir. İranın vurulmasını istəyən qüvvələr daha çox MAQATE-nin hesabatını əsas gətirərək bildirirlər ki, İran atom istehsalını dinc məqsədlərlə deyil, hərbi məqsədlər üçün nəzərdə tutur. Hətta Fransa prezidenti Nikola Sarkozi bir müddət əvvəl çıxışlarının birində bəyan edib ki, Qərbin növbəti hədəfi İrandır. Bu məsələləri təhlil etsək, görərik ki, bir ölkə sistemli şəkildə hədəfə alınırsa, demək, burada hər hansı bir səbəb olmasa belə süni olaraq bəhanə yaradılır. İrana qarşı da MAQATE vasitəsilə səsləndirilən ittihamlar şərti məsələlərdir. Bu illərlə hazırlanmış, düşünülmüş planlardır. Qərb "ağalarının" planına uyğun olaraq hər hansı bir hərbi əməliyyatlar keçirilərsə bu, regionda ekoloji, iqtisadi, sosioloji gərginlik yarada bilər. Hərbi təcavüzə məruz qalan bir ölkə olaraq Azərbaycan heç bir ölkənin, xüsusilə qonşuluğunda olan İranın vurulmasının tərəfdarı deyil. Çünki bunun bizim ölkəmizə müəyyən təsirləri olacaq və müharibənin dalğası sözsüz ki, Azərbaycana gəlib çatacaq. Yalnız biz hər bir ölkənin beynəlxalq öhdəlikləri yetirməsinin tərəfdarıyıq.
- Qərb dövlətləri doğurdanmı İranda demokratiyanı bərqərar etmək istəyir və yaxud MAQATE-ni hesabatı nə dərəcədə reallığı əks etdirir? Ümumiyyətlə, ABŞ başda olmaqla Qərbin əsl məqsədi, istəyi nədir?
- ABŞ dünyada hər zaman demokratiyanın carçısı, qarantı qismində çıxış edir. Yalnız bu bir çox məqamlarda uğursuzluqla nəticələnib. Yəni hər hansı bir ölkəyə sifarişlə demokratiya gətirmək mümkün deyil. Bu elə bir prosesdir ki, ölkənin daxilində baş verən hadisələr demokratik cəmiyyətin yaranmasına zəmin yaratmalıdır. Qərb ölkələrinin İranla bağlı öz maraqları var. ABŞ və Rusiya prezidentləri bəyan ediblər ki, bütün vasitələrdən istifadə edərək İranı beynəlxalq öhdəlikləri yerinə yetirməyə məcbur etmək lazımdır. ABŞ-ın müdafiə naziri isə beynəlxalq öhdəlikləri yerinə yetirməyəcəyi təqdirdə İranın Əfqanıstana çevriləcəyi kimi təhdidlər səsləndirib. Bu da onu deməyə əsas verir ki, İran deyilənlərə əməl etməsə, çox təəssüf ki, Qərb bu ölkəni vurmaqdan vaz keçməyəcək.
- Molla rejiminin devrilməsi ilə dünya nə əldə edəcək və bunun Azərbaycana nə kimi təsiri olacaq?
Bütün xəbərlər Facebook səhifəmizdə
USD
EUR
GBP
RUB