Bu günlərdə Ombudsman Aparatı Hərbi qulluqçuların hüquqlarının müdafiəsi sektorunun müdiri Fəzail Həsənov və sektorun baş məsləhətçisi Adil Hacıyev Fövqəladə Hallar Nazirliyinin Şamaxı rayonundakı \"N\" saylı hərbi hissəsinə baxış keçiriblər. SİA-nın xəbərinə görə, həmin monitorinqdən məqsəd əsgər və zabitlərin yaşayış və xidmət şəraiti, asudə vaxtlarının səmərəli təşkili üçün görülən işlər, göstərilən tibbi xidmət, qidalanma rejimi, həmçinin hərbi qulluqçular arasında Nizamnaməyə uyğun rəftarın vəziyyəti ilə tanış olmaq, ombudsmanın hüquq və səlahiyyətlərini izah etmək, insan hüquqları sahəsində fəaliyyəti barədə məlumat vermək olub.
Aparatın
əməkdaşları zabit və əsgərlərlə görüşüblər. Görüş zamanı onlar hərbi hissələrin
şəxsi heyəti qarşısında çıxış edərək, qarşıdan
gələn bayramlar münasibətilə onları təbrik edib,
xoş arzularını bildiriblər. Görüşdə həmçinin Müvəkkilin nümayəndələri eyni
zamanda hərbi
hissədə şəxsi heyətin yaşayış yeri, klub, kitabxana, yeməkxana, mətbəx və
xəstəxana şəraiti, anbar, əsgərlərin asudə və istirahət vaxtlarını səmərəli
keçirmələri üçün müəyyən edilmiş yerlərə baxış keçiriblər. Görülən işlər müsbət
qiymətləndirilməklə yanaşı, işin təkmilləşdirilməsi ilə bağlı tövsiyələr verilib.
Hərbi
hissənin rəhbərliyi şəxsi heyətin hazırlığının daha da təkmilləşdirildiyini,
nizamnamədənkənar hallara, kobud rəftara yol verilmədiyini söyləyib, səmimi
görüş, əsgər və zabitlərin vəziyyəti ilə maraqlandığı üçün ombudsmana
minnətdarlıqlarını bildiriblər. Belə baxışların gələcəkdə də davam etdirilməsi
nəzərdə tutulub.
Bütün xəbərlər Facebook səhifəmizdə
USD
EUR
GBP
RUB