Avropa Memar Tələbələr Assambleyasının (EASA) Milli Əlaqələndiricilərin Mövsumarası Görüşünün 30-cu inzibati qurultayı Nar Mobile-ın dəstəyi ilə Bakıda keçirilib.
SİA-nın xəbərinə görə, oktyabr ayın 24-də Bakı şəhərində Azərbaycan Memarlıq və İnşaat Universitetinin (AMİU) təşkilatçılığı ilə, Nar Mobile mobil operatoru, Gənclər və İdman Nazirliyinin, Azərbaycan Respublikası Təhsil Nazirliyinin və Bakı Metropoliteninin dəstəyi ilə Avropa Memar Tələbələr Assambleyasının (EASA) Milli Əlaqələndiricilərin Mövsumarası Görüşünün 30-cu inzibati qurultayı keçirilib. Qurultayda 20-dən çox ölkədən memar tələbələr iştirak edib.
Tədbirdə iştirak edən Azərbaycan Memarlıq və İnşaat Universitetinin rektoru, millət vəkili Gülçöhrə Məmmədova çıxış edərək, Azərbaycanın qədim memarlıq sənəti, arxitektura nümunələri haqqında geniş məlumat verdi.
Nar Mobile adından çıxış edən Fərid Məmmədov qeyd etdi ki, Nar Mobile gənclərin inkişafı və Azərbaycanın tanınmasına yönəlik layihələrə daim önəm verib və Korporativ Sosial Siyasətinin prioritet istiqaməti kimi dəstəkləyir.
Qeyd edək ki, EASA 1981-ci ildən etibarən hər yay Avropa ölkələrindən müsabiqə əsasında seçilmiş 400 nəfərdən çox memar tələbəni Avropa ölkələrindən birində yığıb, tələbələr arasında fikir mübadiləsi aparır vətələbələr arasında memarlıq emalatxanalarını təşkil edirlər.
Bütün xəbərlər Facebook səhifəmizdə
USD
EUR
GBP
RUB