Musa Quliyev: “Müstəqillik xalqımızın uzun müddət uğrunda mübarizə apardığı ən böyük sərvətdir” - MÜSAHİBƏ
Milli Məclisin deputatı Musa Quliyevin Səs TV-yə müsahibəsi:
- Musa müəllim, oktyabrın 18-də Azərbaycanın dövlət müstəqilliyinin 20 ili tamam olur. Həmin dövrü, ötən əsrin 90-cı illərini baş verən hadisələrin canlı şahidi kimi necə xatırlayırsınız?
- Ümummilli liderimiz çox haqlı olaraq deyirdi ki, dövlət müstəqilliyi Azərbaycan xalqının milli sərvətidir. Müstəqillik xalqımızın uzun müddət uğrunda mübarizə apardığı, arzusunda olduğu və nəhayət 1991-ci ilin oktyabrında əldə etdiyi ən böyük sərvətimiz, qazancımızdır.
Müstəqilliyi biz çox çətin şəraitdə əldə etdik. Azərbaycan xalqı öz mübarizəsinə başlayanda düşünmürdü ki, SSRİ dağıla bilər, onun tərkibində olan digər respublikalar müstəqil ola bilər. Bizim müstəqilliyə gedən yolumuzu daşlı-kəsəkli, qanlı-qadalı edən 1988-ci ilin fevralından başlamış və təəssüf ki, bu günə qədər davam edən erməni xəyanəti və Dağlıq Qarabağ separatizmi idi. 1991-ci ilin oktyabrında yaranmış vəziyyətdə artıq Azərbaycan öz müstəqilliyini elan etdi. Çox təəssüf ki, bu müstəqilliyə nə o zamankı rəhbərlik, nə də xalq hərəkatına rəhbərlik edən insanlar hazır deyildilər. Ona görə də müstəqilliyimizin ilk üç ili ağır sınaq illəri oldu. Biz nəinki milli müstəqilliyimizi, hətta milli kimliyimizi itirmək təhlükəsi ilə üzləşdik. Bütün bunlar isə xalqın daxilində gərginliklə, etirazla müşayiət olunurdu. O zaman xalqı doğru yola aparan, xalqı öz ətrafında birləşdirə bilən nə hakimiyyətdə, nə də müxalifətdə layiqli lider yox idi. Xalqın həmin illərdə müstəqilliyə inamı itmişdi. Nə yaxşı ki, xalq həmin anlarda özünün sınaqdan çıxmış, illərin ağır təcrübələrinin xalqın yaddaşında yaşatdığı liderinə, Heydər Əliyevə üzünü tutdu. Xalq Heydər Əliyevdən respublikaya gəlməsini, idarəçiliyi öz üzərinə götürməsini xahiş etdi. Dahi öndər ən ağır gündə xalqını tək qoymadı. 1993-cü ildə o, Bakıya gəldi, başlamaqda olan vətəndaş müharibəsinin qarşısını aldı. Həyatını təhlükə qarşısında qoyaraq Gəncəyə getdi. Daha sonra xalqın istəyi və tələbi ilə iyunun 15-də Azərbaycanda ikinci dəfə rəhbərliyə gəldi. Məhz həmin tarixi Azərbaycan müstəqilliyinin başlanğıcı hesab edirəm.
- Ulu öndər Heydər Əliyev ölkədə yenidən hakimiyyətə qayıtmasaydı, bu gün dünyanın siyasi xəritəsində müstəqil Azərbaycan dövləti mövcud olardımı?
- Ümummilli liderin hakimiyyətə qayıdışı tarixi zərurət idi. Əgər həmin dövrdə bu baş verməsəydi düşünürəm ki, Azərbaycanı xaosdan, dağıntıdan, vətəndaş qırğınından hər hansı ikinci bir şəxs xilas edə bilməzdi. Daxildə çox böyük gərginlik hökm sürürdü. AXC-Müsavat cütlüyü hakimiyyətdən getmişdisə, qanunsuz silahlı dəstələr özbaşınalıqla məşğul olurdular. Orduda vahid komandanlıq yox idi. Ölkə parçalanmaq təhlükəsi yaşayırdı. Belə bir halda bir güllə atmadan həm cənubda, həm şimalda gedən prosesləri yatırtması, ölkədə vətəndaş həmrəyliyinə nail olması, dövlət çevrilişi cəhdlərinin qarşısını alması ulu öndərin xalqımız, dövlətimiz, tariximiz qarşısında əvəzsiz, böyük xidmətləridir. Bir sözlə həmin dövrdə Heydər Əliyev Azərbaycanda hakimiyyətə qayıtmasaydı bugünkü müstəqil Azərbaycan dövlətinin mövcudluğu şübhə altında olacaqdı.
- Millət vəkili olaraq, bir ziyalı kimi 20 yaşını qeyd edəcək gənc respublikanın bu gününü necə dəyərləndirirsiniz?
- Ulu öndərin bir kəlamını xatırlamaq yerinə düşər. O, deyirdi ki, "Azərbaycan dünyaya günəş kimi doğacaq". Həmin vaxt bu bizə bir xəyal, poetik ifadə kimi gəlirdi. O sözlərdə nə qədər böyük məna tutumu, inam olduğunu biz artıq 2003-cü ildən sonra görməyə başladıq.
Bütün xəbərlər Facebook səhifəmizdə
USD
EUR
GBP
RUB