Birləşmiş Ərəb Əmirliklərində Azərbaycan Respublikasının dövlət müstəqilliyinin bərpasının 20-ci ildönümü ilə əlaqədar silsilə tədbirlər keçirilir. Bu tədbirlər çərçivəsində BƏƏ-dəki "Azərbaycan" Cəmiyyətinin sədri Samir İmanov Dubay Əmirliyinin Mərkəzi Kitabxanasının müdiri İsa Əhməd Əl-Mulla ilə görüşərək "Erməni terroru", Heydər Əliyev fondunun hazırladığı "Qarabağ həqiqətləri", Küveytli yazıçı Adil Al-Fallhin yazdığı "Heydər Əliyev və milli-mənəvi dəyərlər" və "Azərbaycan xalçaları" kitablarını hər birindən 20 nüsxə olmaqla kitabxanaya təqdim edib. Bu barədə SİA-ya Samir İmanovun özü məlumat verib.
Kitablar "Azərbaycan"
Cəmiyyətinin rəsmi müraciətinə əsasən təqdim olunduğu üçün təqdimat mərasimində
Dubay hökumətinin İctimaiyyətlə Əlaqələr idarəsinin rəhbəri Əhməd Əl-Zahiri də
iştirak edib. Kitablar Dubay Əmirliyinin kitabxanasına təqdim olunmadan
əvvəl "Azərbaycan" Cəmiyyətinin sədri Samir İmanov Dubay əmirliyinin dövlət
rəsmilərinə Azərbaycan Respublikasının son 20 ildə keçdiyi çətin, amma şərəfli
inkişaf yolu, Azərbaycanın bu müddətdə, xüsusilə son 10 il ərzində qazandığı
böyük uğurları, erməni qəsbkarlarının Azərbaycan xalqına qarşı həyata keçirdiyi
misli görünməmiş vəhşilikləri barədə məlumat verib. O, adı çəkilən kitabların "Azərbaycan"
Cəmiyyətinə Azərbaycan Respublikası Diasporla İş üzrə Dövlət Komitəsi
tərəfindən təqdim olunduğunu qeyd edib. O, hazırda bu kitabları Dubay
Əmirliyinin Mərkəzi Kitabxanasına təqdim etməklə həmin kitabların əmirlik
vətəndaşlarının geniş kütlələri, o cümlədən alimlər, tələbələr, Azərbaycanla,
Azərbaycan mədəniyyəti və incəsənəti, Ermənistan-Azərbaycan Dağlıq Qarabağ
münaqişəsi, erməni terroru ilə bağlı obyektiv və ətraflı məlumat almaq istəyən
hər bir kəs üçün maraq kəsb edəcəyinə inamını ifadə edib.
Bütün xəbərlər Facebook səhifəmizdə
USD
EUR
GBP
RUB