Hikmət Babaoğlu: “Azərbaycan xalqı Somalidə baş verən insanlıq faciəsinə göz yuma bilməzdi, çünki söhbət insan taleyindən gedir” - MÜSAHİBƏ
"Yeni Azərbaycan" qəzetinin baş redaktoru, siyasi elmlər üzrə fəlsəfə doktoru Hikmət Babaoğlunun Səs TV-yə müsahibəsi:
- Hikmət müəllim, Somali son 60 ilin ən ciddi fəlakətini yaşayır. Azərbaycan hökuməti də Somalidə yaranmış vəziyyətlə əlaqədar olaraq bu ölkəyə 100 min ABŞ dolları dəyərində humanitar yardım ayırıb. Bunu necə qiymətləndirirsiniz?
- Somalidə baş verənlər bir insanlıq faciəsidir. Biz zaman-zaman Afrikada yaşayan xalqların bu şəkildə acı taleyi ilə baş-başa qaldıqlarının şahidi oluruq. Bir müsəlman dövləti olaraq Azərbaycan hökumətinin atdığı bu addım çox humanist bir aksiyadır. Azərbaycanda əslində humanizmin, paylaşmanın, yardımlaşmanın tarixi kökləri var. Müasir müstəqil Azərbaycan dövləti də bu istiqamətdə hər zaman xeyirxah addımlar atır. Azərbaycanda müasir mənada xeyriyyəçiliyin əsasını ulu öndər Heydər Əliyev qoymuşdursa, bu gün Heydər Əliyev Fondunun rəhbəri, millət vəkili Mehriban xanım Əliyeva ölkədə xeyriyyəçiliyi, humanizmi, insanpərvərliyi önə çıxaran, onu təbliğ edən və bu yöndə böyük işlər həyata keçirən yeni bir istiqamət yaradıb. Tarixən bu cür ənənələri olan, paylaşmağı sevən, qonqpərvərliyi ilə seçilən, əlində olan sərvətlərini dostları, yaxınları və ehtiyacı olanlarla bölüşməyi bacaran Azərbaycan xalqı Somalidə baş verən insanlıq faciəsinə göz yuma bilməzdi. Azərbaycan hökumətinin, dövlətinin verdiyi bu qərar çox düzgün qərardır. Çünki söhbət insan taleyindən gedir. Bir çörək bir insanın həyatını xilas edə bilər. Bu, müqəddəs Ramazan ayında Allah qarşısında müsəlman olaraq Azərbaycan xalqının borcudur və hökumətin atdığı xeyirxah addım təqdirəlayiqdir. Azərbaycan İslam Konfransı Təşkilatı ölkələrinin üzvüdür. Ona görə də bu çərçivədə də müəyyən kampaniyalar keçirilir. Qardaş Türkiyə Cümhuriyyəti bu istiqamətdə ciddi addımlar atır. Biz də bunları təqdir edirik. Azərbaycan da öz imkanları daxilində bu kampaniyaya qoşulub.
Somalidə baş verən hadisələrin səbəbinə gəldikdə isə, bu ərazinin coğrafi iqlim şəraitindən, relyefindən, həmçinin təbii hadisələrlə bağlı olan bir məsələdir. Biz arzu edirik ki, yaxın gələcəkdə Afrika qitəsində inkişaf o səviyyəyə çatsın ki, orada yaşayan xalqlar, insanlar özlərini zəruri qida məhsulları ilə təmin edə bilsinlər.
Azərbaycan da ötən əsrin 90-cı illərinin əvvəllərində buna bənzər problemlərlə üzləşmişdi. Bu səviyyədə olmasa da həmin dövrdə iqtidarsız iqtidarların, idarəetmədən xəbəri olmayan səriştəsiz insanların ölkədə çörək qıtlığının yaratdığının şahidi olmuşuq. O illərdə biz də yardımlar almışıq. Ö dövrdə rəsmi dövlət nümayəndələri televiziya vasitəsi ilə ərzağın tükəndiyini elan edirdilər və bu da ölkədə həyəcan yaradırdı. İnsanlar saatlarla çörək növbələrində gözləyirdilər. Azərbaycan xalqı müharibə illərində aclığın nə olduğunun görüb. Amma ulu öndər Heydər Əliyev hakimiyyətə qayıtdıqdan sonra Azərbaycanın yeni iqtisadi strategiyasını müəyyənləşdirərkən ərzaq təhlükəsizliyi problemini önə çəkdi. İlk növbədə aqrar sahədə islahatlar apardı. Bir neçə ildən sonra artıq Azərbaycanda çörək, ərzaq qıtlığı problemi yox idi. Yəni vaxtilə bu kimi problemlərlə üzləşmiş Azərbaycan xalqının, inkişaf etmiş Azərbaycan dövlətinin bu cür humanist aksiyası tamamilə doğrudur və yerində atılmış bir addımdır.
- Sizcə, vətəndaşlarımız bu yardım kampaniyasında necə iştirak etməlidirlər?
Bütün xəbərlər Facebook səhifəmizdə
USD
EUR
GBP
RUB