Bakıda səfərdə olan Kamboca, Benin, Ekvatorial Qvineya, Mavriki, Namibiya, Sent Lusiya, Sent Vinsent Qrenadin, Seyşel adaları, Syerra-Leone, Şri-Lanka, Yamayka və Zimbabvenin BMT yanında daimi nümayəndələri Azərbaycan Diplomatik Akademiyasında (ADA) olublar. SİA-nın məlumatına görə, görüşdə ADA-nın rektoru Hafiz Paşayev akademiyanın fəaliyyətindən danışlb.O bildirib ki, beş il bundan əvvəl yaradılmasına baxmayaraq ADA dünyada nüfuz qazanıb.
Rektor ötən ay ilk dəfə olaraq Afrika və Asiyadan - Haiti, Mali, Samoa, Banqladeş, Kamboca, Nepal, Myanma, Malayziya və digər ölkələrdən gəlmiş 14 diplomatın ADA-nın "Xəzər hövzəsi ölkələrinin öyrənilməsi" proqramı üzrə ongünlük kursda iştirak etdiklərini qonaqların diqqətinə çatdırıb.
Qonaqlara ADA-nın strukturu, həyata keçirdiyi proqramlar, yaxın illərdə reallaşdıracağı planlar barədə geniş məlumat verilib.
Xarici ölkələrin BMT yanında daimi nümayəndələri ADA-da yaradılmış şəraiti yüksək qiymətləndirib, təhsil ocağının qısa vaxtda əldə etdiyi uğurlardan məmnunluqlarını bildiriblər.
Bütün xəbərlər Facebook səhifəmizdə
USD
EUR
GBP
RUB
