"Washington Post" Dağlıq Qarabağda müharibə təhlükəsindən yazıb. "Washington Post" qəzeti Uila İnqlandın Dağlıq Qarabağa səfəri ilə bağlı hazırladığı reportajın növbəti hissəsini dərc edib. SİA-nın məlumatına görə, müəllif qeyd edir ki, Azərbaycan və Ermənistan arasında hərbi əməliyyatların başlanması bütün region üçün fəlakətə çevriləcək: "Tərəflər 1991-ci illə müqayisədə çox yaxşı silahlanıblar. Bu, xüsusən də Azərbaycana aiddir. Münaqişə başlanarsa, regionun qonşu dövlətlərinin münaqişədən kənarda durması çox çətin olacaq. Bu həm də ABŞ-ın maraqlarına zərbə vurmuş olacaq. Çünki Azərbaycan ABŞ-ın Əfqanıstana göndərdiyi yüklərin daşınmasında tranzit rolunu oynayır".
Məqalədə, həmçinin Minsk qrupunun amerikalı həmsədri Robert Bradtkenin əhalisinin sayı 90-145 min arası olan Dağlıq Qarabağda sülhə nail olunmasına çalışmasına səy göstərdiyi barədə fikirləri də yer alıb. Eyni zamanda erməni tərəfinin ərazilərin minalardan təmizlənməsinə qarşı çıxdığı da bildirilib. Halbuki, 1995-ci ildən bəri bu minalar 300 insanın həyatına son qoyub. Ərazilərin minalardan təmizlənməsi prosesinə isə ən çox ABŞ-ın vəsait ayırdığı diqqətə çatdırılıb.
Bütün xəbərlər Facebook səhifəmizdə
USD
EUR
GBP
RUB