Son 10 il ərzində Azərbaycan əhalisinin sayı 11,2 faiz, ötən 20 il ərzində isə 24,4 faiz artaraq 9 111,1 min nəfər təşkil edib.
Dövlət Statistika Komitəsindən SİA-ya verilən məlumata görə, əgər 1991-ci ildə ölkə əhalisinin sayı cəmi 7 324,1 min nəfər idisə, sonra 10 il ərzində bu göstərici 11,8 faiz artaraq 2001-ci ildə 8 191,4 min nəfərə, sonrakı dövrdə isə daha 24,4 faiz artaraq 2011-ci ildə 9 111,1 min nəfərə çatıb.
Qeyd edək ki, cari ilin əvvəlindən Azərbaycan əhalisinin sayı 53,5 min nəfər və yaxud 0,6 faiz artaraq iyul ayının 1-nə 9 164,6 min nəfərə çatıb.
Əhalinin sıxlığı 1 kv. kilometrə 106 nəfər olub. Əhalinin 49,6 faizini kişilər, 50,4 faizini isə qadınlar təşkil edir ki, hər 1 000 nəfər kişiyə 1 017 nəfər qadın düşür.
Bütün xəbərlər Facebook səhifəmizdə
USD
EUR
GBP
RUB