Dəhşətli istilər davam edir. Ekologiya və Təbii Sərvətlər Nazirliyinin Milli Hidrometeorologiya Departamenti kəskin istilərlə bağlı əhalini bir daha xəbərdar edib. SİA-nın nazirliyə istinadən verdiyi məlumata görə, avqust ayının 03-dək kəskin isti hava şəraiti davam edəcək: "Maksimal temperaturun Bakıda və Abşeron yarımadasında 38-40 dərəcəyə, yarımadanın bəzi yerlərində 42 dərəcəyədək yüksələcəyi gözlənilir. Aran rayonlarında və Naxçıvan MR-da 38-42 dərəcə, bəzi yerlərdə 44 dərəcə, dağlıq rayonlarda 35-38 dərəcəyədək yüksələcəyi gözlənilir. Sabah Bakıda və Abşeron yarımadasında cənub-şərq küləyi əsəcək. Havanın temperaturu gecə 24-27 dərəcə, gündüz 37-40 dərəcə, bəzi yerlərdə 42 dərəcə isti təşkil edəcək. Abşeron çimərliklərində dəniz suyunun temperaturu 29-30 dərəcə isti olacaq. Rayonlarda zəif şərq küləyi əsəcək.
Havanın temperaturu gecə 22-27 dərəcə, gündüz 35-40 dərəcə, bəzi yerlərdə 43 dərəcə, dağlarda gecə 18-23 dərəcə, gündüz 31-36 dərəcə isti təşkil edəcək".
Qurumdan o da bildirilir ki, tropik hava kütlələrinin davamlı olaraq ölkə ərazisinə daxil olması nəticəsində Abşeron yarımadasında müşahidə olunan kəskin isti hava şəraiti günorta saatlarında əksər əhali üçün xüsusilə meteohəssas insanlar üçün əlverişsizdir: "Günün qızmar vaxtı əhalinin daha həssas qrupu olan uşaqlar, yaşlılar və xəstə insanlara açıq havada olmaq məsləhət görülmür".
Bütün xəbərlər Facebook səhifəmizdə
USD
EUR
GBP
RUB
