"Gənc Mühasiblər" İctimai Birliyi yeni iş yerlərinin açılması ilə bağlı sosial layihə həyata keçirir. SİA-nın xəbərinə görə, ilk dəfə olaraq qeyri-hökumət təşkilatının həyata keçirdiyi bu səpkidə sosial layihə Almaniyanın Azərbaycandakı səfirliyinin maliyyə dəstəyi ilə reallaşır. Layihənin məqsədi gəncləri yeni iş yerləri ilə təmin etmək, eyni zamanda, onların asudə vaxtlarının səmərəli keçirilməsi üçün şərait yaratmaqdır. Bu layihə çərçivəsində Sumqayıt şəhərində kiçik şirniyyat sexi açılacaq. Şirniyyat sexində 15 nəfər işə cəlb olunacaq.
Şirniyyat sexinin açılışına Almaniya səfirliyinin İqtisadi məsələlər üzrə büro rəhbəri və digər nümayəndəsi, Sumqayıt şəhər İcra Hakimiyyətinin əməkdaşları, Azərbaycan Respublikasının Ailə, Qadın və Uşaq Problemləri üzrə Dövlət Komitəsinin əməkdaşları Azərbaycan Respublikasının Prezidenti Yanında QHT-lərə Dövlət Dəstəyi Şurasının sədri Azay Quliyev, "Dan" Beynəlmiləçi Gənclər İctimai Birliyinin sədri Gülarə Teymurova, Milli QHT Formunun prezidenti Rauf Zeyni və s. dövlət və qeyri-hökumət təşkilatlarının nümayəndələri dəvət olunublar.
Bütün xəbərlər Facebook səhifəmizdə
USD
EUR
GBP
RUB