"Son illərdə Azərbaycanda boşanmaların sayının
artması, boşanma zamanı qadınların və uşaqların hüquqlarının pozulması ilə
bağlı hakimlərin qəbul olunan qərarlarında bir sıra problemlər var. Yaxşı
olardı ki, Ailə, Qadın və Uşaq Problemləri üzrə Dövlət Komitəsi, Ədliyyə
Nazirliyi və Ali Məhkəmənin arasında işçi qrup yaradılsın və bununla da ailə məsələləri
ilə bağlı problemlərə operativ reaksiya verilsin və həll edilsin". SİA-nın xəbərinə
görə, bu barədə Ailə, Qadın və Uşaq Problemləri üzrə Dövlət Komitəsinin sədri Hicran Hüseynova jurnalistlərə açıqlamasında
deyib. O bildirib ki, qadınlar
məhkəmə qərarlarından narazlıq edir, uşaqların və qadınların hüquqlarının
pozulduğunu deyirlər. O qeyd edib ki, məhkəmə zamanı qadın və uşaqların
hüquqları ilə bağlı düzgün qərar qəbul etmək üçün orada psixoloq və sosial
işçilərin iştirakı yaxşı olardı: "Ailə ilə bağlı problemlərdə elə nüanslar var
ki, onların həllində, qiymət verilməsində bu mütəxəssislərə ehtiyac var.
Onların rəyi nəzərə alınmaqla qəbul edilən qərarlarda uşaqların və qadınların
hüquqları müdafiə olunacaq".
Bundan əlavə, H.Hüseynova Ailə Məcəlləsinə dəyişiklikləri də zəruri hesab edib. O bildirib ki, bu məcəllədə çoxlu dəyişikliklər ola bilər.
"Boşanmaların sayının azalması üçün Azərbaycan qanunlarında mütləq yazılmalıdır ki, ailə formalaşanda iki tərəf nikah müqaviləsini imzalasın. Hansısa ailə formalaşanda bəzi məsələləri aradan qaldırmaq çətindir. Buna görə də tərəflərin nikahdan öncə nikah müqaviləsi bağlaması və tibbi müayinədən keçməsi zəruridir. Qarşı tərəfin haqqı var ki, nigah bağlayan zaman digər tərəfin nə dərəcədə sağlam olduğunu bilsin", - deyə o əlavə edib.
Bütün xəbərlər Facebook səhifəmizdə
USD
EUR
GBP
RUB