Asif Əsgərov: “Dövlət Bayrağı Meydanı ərazisindəki binalardan köçürülən insanlara verilən kompensasiya hər kvadrat metrə 1500 manatdır”
Bakının
Səbail rayonunda yerləşən Dövlət Bayrağı Meydanı ərazisindəki binalarda yaşayan
sakinlərin köçürülməsinə başlanıb və bu proses bu gün də davam edir. SİA-nın xəbərinə görə, bu barədə jurnalistlərin
suallarını cavablandıran Səbail rayon
İcra Hakimiyyətinin (RİH) başçısı Asif Əsgərov məlumat verib. O bildirib ki,
Aqil Quliyev və Fəthi Xoşginabi küçələrindəki binalarda yaşayan sakinlərə
müəyyən normativlərə uyğun olaraq kompensasiya verilir və ya onlar başqa
ərazilərə köçürülür. "Köçürülərkən onlara müəyyyən normativlərə uyğun olaraq
müəyyən edilən kompensasiya verilməsi, yaxud mənzillə təmin olunması təklif
edilir. Dövlət Bayrağı Meydanı ərazisindəki binalardan köçürülən insanlara verilən kompensasiya hər kvadrat metr üçün 1500 manatdır. Bəzən
insanlar köçürülən zaman daha çox maliyyə tələb edirlər. Düzdür, insanların
istəyi yaxşıdır, amma bu da gərək normalara uyğun olsun. İnsanların istəklərinə
baxmayaraq, həmin ərazidə yaşayan insanların köçürülməsi zamanı onlara müəyyyən
normativlərə uyğun olaraq müəyyən edilən kompensasiya veriləcək".
Bütün xəbərlər Facebook səhifəmizdə
USD
EUR
GBP
RUB