Türkiyənin Etimesgut bələdiyyəsinin 15 nəfərdən ibarət nümayəndə heyəti Şirvan şəhərinə gəlib. SİA-nın Aran bürosunun verdiyi məlumata görə, Etimesgut bələdiyyəsi internet vasitəsi ilə Azərbaycanın şəhər və rayon bələdiyyələri haqqında məlumat əldə edib. Şirvanın sənaye və potensial imkanlarının zəngin olmasını biləndən sonra yerli şəhər bələdiyyəsi ilə "Qardaşlıq" əlaqələri qurmağı qərara alıblar. Odur ki, 16 iyul tarixdən nümayəndə heyətinin Bakıdan başlayan səfəri bu gün Şirvan şəhərində davam edib. Şirvan şəhərinin nümayəndələrinin müşaiyəti ilə paytaxtdan gələn qonaqları ictimaiyyət nümayəndələri şəhərin girişində yüksək qonaqpərvərliklə qarşılayıblar.
Qonaqlar ulu öndər Heydər Əliyevin abidəsini
ziyarət ediblər, önündə xatirə şəkili çəkdiriblər. Heydər Əliyev muzeyi ilə tanış olan türkiyəli
qonaqlar adından nümayəndə heyətinin rəhbəri Ələddin Sonat xatirə kitabına ürək
sözlərini yazıb. Sonra Şirvan şəhər İcra Hakimiyyətində görüş olub. Qonaqları
salamlayan Şirvan şəhər İcra Hakimiyyətinin başçısı Mərdan Camalov şəhərin
yaranma tarixindən, coğrafi mövqeyindən, iqtisadiyyatı, sənayesi, təhsil,
səhiyyə, mədəniyyət və digər müəssisələr barədə dolğun məlumat verib. Şirvanın
təməlinin qoylmasında və inkişafında ümummilli lider Heydər Əliyevin xidmətləri
və bu gün Prezident İlham Əliyevin bu yolu davam etdirməsindən danışan
M.Camalov ölkə başçısının son 5 ildə şəhərə 5 dəfə səfər etməsindən danışıb.
Şirvan şəhərinin energetika, neft sənayesində ölkə ərazisində önəmli yeri
olduğunu deyən icra başçısı qardaş ölkənin bələdiyyə üzüvlərini Şirvan
şəhərində görməyindən məmnun olduğunu bildirib. Qonaqlar adından Etimesgut
bələdiyyəsinin yardımçısı Ələddin Sonat icra başçısı M.Camalova və yerli
bələdiyyə sədrinə onlara göstərilən doğma münasibətə görə təşəkkürünü bildirib.
Şirvana gəldikləri andan ulu öndər
Heydər Əliyevin "Bir millət iki dövlət" kəlamının həqiqətən yaşadığını və
dəyər veridiyini bildirib. Ələddin Sonat Etmesgut bələdiyyəsinin başqanı və
nümayəndə heyəti adından Şirvan şəhər rəhbərliyini Türkiyəyə dəvət
edib.
USD
EUR
GBP
RUB