“Ermənistan bütün dünyanın gözü qarşısında insanlıq əleyhinə vəhşilik aktlarını törətməkdə davam edir”
Tovuz rayonunun Əlibəyli kənd sakini Şahmalıyeva Aygün Zirəddin qızının Ermənistan tərəfindən törədilən vandalizm aktı nəticəsində həlak olması ilə bağlı Beynəlxalq Diaspor Mərkəzinin (BDM) təşəbbüsü ilə İğdır Əsilsiz Erməni Soyqırımı İddialarıyla Mücadilə Dərnəyi, Alman-Azərbaycan Cəmiyyəti, Finlandiya-Azərbaycan Asossasiyası birgə bəyanat yayıb.
BDM mətbuat xidmətindən SİA-ya verilən xəbərə görə, bəyanatda deyilir: "200-il bundan əvvəl başlayaraq kütləvi şəkildə Azərbaycan ərazilərinə köçürülmüş ermənilər "böyük Ermənistan" xülyasını reallaşdırmaq məqsədilə Azərbaycan ərazilərində zaman-zaman terror aktları törətmişlər. Öz dədə-baba yurdlarında etnik təmizləmə və soyqırım siyasətinə məruz qalan yüz minlərlə Azərbaycan türkü erməni daşnakları tərəfindən kütləvi surətdə qətllərə məruz qalmış və yaşadıqları ərazilərdən deportasiya olunub. Bütün bunların nəticəsi olaraq Ermənistan tərəfindən Azərbaycan Respublikasının 20 faiz ərazisi işğal edilib, minlərlə günahsız insan, o cümlədən uşaqlar xüsusi qəddarlıqla qətlə yetirilib. Təəssüflər olsun ki, Dağlıq Qarabağ və ətraf rayonların işğalı zamanı erməni qəsbkarları tərəfindən uşaqlara qarşı dəfələrlə zorakılığın edilməsi, uşaqların amansızlıqla və işgəncələrlə öldürülməsi və girov götürülməsi kimi insanlığa sığmayan əməllərinə beynəlxalq ictimaiyyət tərəfindən hələ də lazımi qiymət verilməmişdir. 1994-cü ildə atəşkəs haqqında razılığın əldə olunmasına baxmayaraq Ermənistan tərəfindən bu razılığa əməl olunmur, atəşkəs rejimi müntəzəm pozulur, nəticədə Azərbaycan tərəfindən həm hərbi qulluqçular, həm də mülki vətəndaşlar qətlə yetirilir.
Bütün xəbərlər Facebook səhifəmizdə
USD
EUR
GBP
RUB
