“Azərbaycanda partlamamış hərbi sursatların təmizlənməsi üzrə Saloğlu layihəsi”nin bağlanış mərasimi keçirilib-TƏDBİR-FOTOSESSİYA
Bu gün Bakıda "Azərbaycanda partlamamış hərbi sursatların təmizlənməsi üzrə Saloğlu layihəsi"nin bağlanış mərasimi keçirilib. SİA-nın xəbərinə görə, tədbirdə baş nazirin müavini Abid Şərifov, NATO Baş katibinin meydana gələn çağırışlar üzrə müavini Gabor İklody, ANAMA-nın direktoru Nazim İsmayılov, bir sıra ölkələrin Azərbaycandakı səfirləri iştirak ediblər.
Tədbiri giriş sözü ilə açan ANAMA-nın direktoru Nazim İsmayılov layihə haqqında ətraflı məlumat verib. O bildirib ki, Saloğlu Layihəsini Azərbaycan Respublikası Ərazilərinin Minalardan Təmizlənməsi üzrə Milli Agentliyi (ANAMA) və ANAMA-NATO/NAMSA-nın Sülh Naminə Tərəfdaşlıq Etimad Fondu birgə həyata keçirib. O qeyd edib ki, ölkənin şimal-qərbində, Ağstafa rayonunun Saloğlu və Poylu kəndlərində yeləşən keçmiş sovet hərbi bazaları 1991-ci ildə dağıdılıb və bunun nəticəsində böyük bir ərazi partlamamış hərbi sursatlarla (PHS) çirklənib. Onun sözlərinə görə, ötən illər ərzində PHS problemi yerli əhalinin əmin-amanlıq və təhlükəsizliyi üçün ciddi və daima artan təhlükə törədib. N.İsmayılov vurğulayıb ki, həmin müddət ərzində mina/PHS partlayışı nəticəsində 80 nəfər yaralanıb və 37 nəfər həlak olub: "ANAMA və NATO/NAMSA birgə layihəsi olan Saloğlu Layihəsi çərçivəsində 5 683 789 kv.m yerüstü və eyni qədər yeraltı təmizləmə əməliyyatları həyata keçirilib. Layihə çərçivəsində 640 mindən artıq sursat tapılıb, təhlükəsizlik qaydada zərərsizləşdirilib"
Daha sonra çıxış edən baş nazirin müavini Abid Şərifov isə bildirib ki, 1991-ci il avqustun sonlarında Saloğlu hərbi bazasında silah-sursatın partlaması nəticəsində 40 milyon kv.m ərazi çirklənib və əhali üçün təhlükə yaranıb. Onun sözlərinə görə, partlayışlardan sonra baş verən 152 PHS hadisəsi nəticəsində 37 nəfər həlak olub: "2001-ci ilin dekabr ayında Saloğluda vəziyyətin ciddiliyini nəzərə alan Azərbaycan hökuməti mövcud problemlə ciddi şəkildə məşğul olmaq üçün NATO-ya müraciət edib. 2002-ci ili iyulunda Türkiyə layihənin həyata keçirilməsində aparıcı ölkə rolunu oynamağı öz üzərinə götürüb və ANAMA layihənin icraçı təşkilatı təyin olunub.
Layihənin ümumi büdcəsi 3 milyon 455 min 874 avro həcmində olub və bunun 36%-i Azərbaycan hökumətinin payına düşüb. Layihənin həyata keçirilməsində 14 donor ölkə yaxından köməklik göstərib. Onun məqsədi ərazidə bütün PHS aşkarlamaq, qarşısını almaq və əhalinin təhlükəsizliyini təmin etməkdən ibarətdir. İşin gedişində hər kvadratmetrdə 2-3 sursatın müəyyənləşdirilməsi problemin böyük olduğunu göstərdi və işi çətinləşdirdi".
Baş nazirin müavini qeyd edib ki, layihə çərçivəsində insanlar arasında maarifləndirmə işləri də aparılıb. Onun sözlərinə görə, bu müddət ərzində 24 rayonun 1185 məktəbində 125 seminar keçirilib və 3150 kitab çap olunaraq paylanıb. O, NATO ilə əməkdaşlığın təkcə \"Saloğlu layihəsi\"ndə deyil, digər layihələrdə də davam etdiriləcəyini söyləyib.
NATO baş katibinin müavini Qabor İklodi isə çıxışında layihənin Türkiyənin rəhbərliyi, 14 donor ölkənin maliyyə dəstəyi nəticəsində icra olunub. Onun sözlərinə görə, bu layihə NATO ilə Azərbaycan arasındakı parkatik əməkdaşlığın göstəricisidir.
Tədbirin davamında çıxış edən Türkiyənin Azərbaycandakı səfiri Hulusi Kılıç Azərbaycanın NATO yanındakı səfiri Xəzər İbrahim Saloğlu layihəsi çərçivəsində əhəmiyyətli işlərin aparıldığını və insanların təhlükəsizliyinin qorunduğunu söyləyiblər.
USD
EUR
GBP
RUB