“Hər ölkədə azərbaycanlıların onun ətrafında birləşdiyi yalnız bir diaspor təşkilatı yaradılmalıdır”- AÇIQLAMA
"Bu gün prezident
İlham Əliyev də çıxışında bildirib ki, diaspor sahəsində olan bütün umu-küsülərə
son qoymaq, azərbaycançılıq yolunda birləşib Azərbaycanın adını hər yerdə səsləndirmək
tapşırığı verilib. Diaspor təşkilatları rəhbərlərinin nümayəndələrinin bugünkü çıxışlarında da hər kəs belə hesab edir ki, ölkə prezidentinin səsini eşidərək
sıx birləşib Azərbaycan diaspor işini daha da irəliyə aparmaq lazımdır".
SİA-nın xəbərinə görə, bu barədə jurnalistlərə açıqlamasında Diasporla İş üzrə
Dövlət Komitəsinin sədri Nazim İbrahimov deyib. O bildirib ki, hər hansı bir qurum
müəyyən iş görərkən ondan razı qalmamalıdır. Bəzi problemlərin olmadığını deyən
N.İbrahimov qeyd edib ki, qurultayda istiqamətlər
üzrə prezidentin səsləndirdiyi nöqsanların həll ediləcəyinə söz verildi: "Düşünürəm
ki, müəyyən zaman keçəndən sonra bu kimi nöqsanları aradan qaldırılacaq. Biz kəmiyyətdən
daha çox keyfiyyətə fikir verməliyik. Diaspor təşkilatlarının işinə daha çox diqəqət
edilməlidir. Onların yaşadıqları ölkələrin ictimai-siyasi həyatında daha fəal
iştirakını təmin etmək lazımdır. Bir ölkədə yalnız bir diaspor təşkilatının fəaliyyət
göstərməsi hamımızın arzusudur, amma biz real vəziyyətlə razılaşmalıyıq. Amma azərbaycanlılar
vahid bir şəkildə diasporada birləşib hər ölkədə bir diaspor təşkilatı
yaradacağıq. Mən də bu fikirlərlə razıyam ki, bir ölkədə azərbaycanlıların onun ətrafında
birləşdiyi yalnız bir diaspor təşkilatı yaradılmalıdır".
Bütün xəbərlər Facebook səhifəmizdə
USD
EUR
GBP
RUB