İnsan alverinə qarşı QHT Koalisiyasının üzvü olan "XXI Əsrin Qadınları" İctimai Birliyinin sədri Mahirə Əmirhüseynova, Azərbaycan Uşaq Birliyinin sədri Kəmalə Ağazadə, "Demokratik Cəmiyyət və Qadın Hüquqlarının Müdafiəsi" İB sədri Mehriban Abdullayeva və digər QHT sədrləri sözügedən mövzu ilə bağlı çıxış ediblər. "XXI Əsrin Qadınları" İctimai Birliyindən SİA-ya verilən xəbərə görə, çıxışlar zamanı bildirilib ki, ABŞ Dövlət Departamentinin insan alveri ilə bağlı növbəti hesabatında Azərbaycanın tənqid olunması ölkənin dövlət qurumlarının və QHT-lərinin gördüyü işlərə qərəzli yanaşmadır. Azərbaycan müstəqil ölkə kimi qısa bir müddətdə olduqca böyük islahatlar aparıb. Əlbəttə, ABŞ və Avropa Birliyinin standartlarına müəyyən sahələr üzrə cavab verməyə bilər. Amma bu, o demək deyil ki, Azərbaycanda iş getmir, yaxud da bunu inkar etmək lazımdır. Sadəcə, əhalinin məlumatlandırılması davamlı olaraq həyata keçirilməlidir. O zaman daha yüksək nəticə, daha yüksək yanaşma əldə etmək olar.
İnsan alverinə qarşı QHT Koalisiyası üzvlərinin fikrincə, insan alverinə qarşı mübarizə ilə bağlı ölkə qanunvericiliyi beynəlxalq standartlara tam cavab verir.
Bütün xəbərlər Facebook səhifəmizdə
USD
EUR
GBP
RUB
