MİRAS İctimai
Birliyi kimsəsiz istedadlı uşaqlara mənəvi dəstək olmaq, onları araşdırıbictimaiyyətə təqdim etmək və onların
dünyagörüşününinkişafına kömək məqsədi ilə həyata keçirdiyi
"Uşaqlar və biz" xeyriyyə layihəsini davam etdirir. Bu barədə SİA-ya MİRAS
İctimai Birliyinin Uşaq və Gənclərlə iş şöbəsinin rəhbəri Cəfər Mənsimi məlumat
verib. Bildirilib ki, busilsilədən
keçiriləcək növbəti tədbir iyulun 12-də Xətai rayonundakı 3 saylı uşaq evində
reallaşacaq. Miras Mədəni İrsin Öyrənilməsinə Kömək Birliyinin İdarə Heyətinin
təmsilçiləri və birliyin üzvləri, eləcə də layihəni dəstəkləyən qurumların
nümayəndələri Uşaq Evini ziyarət edəcək, onlara öz töhfələrini verəcəklər.
Cəfər Mənsimi həmçinin onu da bildirib ki, tədbir çərçivəsində uşaqlara maddi dəstəklə yanaşı, mənəvi yardım da olunacaq, onlara öz bacarıqlarını nümayiş etdirmək imkanı veriləcək. MİRAS Mədəni İrsin Öyrənilməsinə Kömək İctimai Birliyinin üzvü, rəssam, ebru mütəxəssisi Vüsal Qaraqaşlı uşaqlara EBRU sənətinin sirlərini öyrədəcək, onlarla birlikdə çalışacaq.
Xatırladaq ki, Amerika Birləşmiş Ştatlarının Azərbaycandakı səfirliyinin dəstəyi ilə həyatakeçirilən "Uşaqlar və biz" silsiləsindənilk tədbir iyunun 2-də Abşeron rayonu Saray qəsəbəsi 7 saylı əqli cəhətdən qüsurlu uşaqlar üçün internat evində keçirilmişdi.
"Uşaqlar və biz" layihəsinin informasiya dəstəkçisi "Parents Azərbaycan" jurnalıdır.
Bütün xəbərlər Facebook səhifəmizdə
USD
EUR
GBP
RUB