Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentinin direktor müavini Hikmət Əlizadə Ekologiya və Təbii Sərvətlər Nazirliyinin saytına müsahibə verib. SİA həmin müsahibəni təqdim edir:
- Builki ov mövsümü nə zaman açılacaq?
- Azərbaycan Respublikası ərazisində 2011-2012-ci illər üçün ov mövsümü bu gündən etibarən açıq elan edilib.
- Builki ov mövsümündə Respublika ərazisində vəhşi heyvanların ovlanmasına hansı müddətlərdə icazə verilir?
Respublika ərazisində 2011-2012-ci illərin ov mövsümündə vəhşi heyvanların ovlanması müddətləri aşağıdakı kimi müəyyən edilib;
• Təkə 04 iyun - 29 oktyabr 2011-ci il tarixlərində;
• Qaban (çöl donuzu) 10 sentyabr - 24 dekabr 2011-ci il tarixlərində;
• Dovşan 12 noyabr 2011-ci il - 07 yanvar 2012-ci il tarixlərində;
• Bataqlıq qunduzunun (nutriya) 15 oktyabr 2011-ci il-25 fevral 2012-ci il tarixlərində nutriya təsərrüfatı olan təşkilatlara volyerlərdə saxlamaq üçün ovlanmasına icazə verilir.
• Çaqqal və yenotun sayının tənzimlənməsi məqsədilə onların ilboyu ovlanmasına icazə verilir.
- Ovçular hansı ərazilərdə ov edə bilərlər?
- Vəhşi heyvanların sayının tənzimlənməsi məqsədilə ov edilməsinə aşağıda göstərilən regionların müvafiq ov sahələrində və ovçuluq təsərrüfatlarında icazə verilir.
• Qaban (çöl donuzu) - Lənkəran, Astara, Lerik, Qax, Cəlilabad, Zaqatala, İmişli, Quba, Xaçmaz, Neftçala, Yardımlı, Şəki, İsmayıllı;
• Təkə - Zaqatala, Şəki, Qax, Oğuz, Quba ;
• Dovşan - Dəvəçi, Kürdəmir, Salyan, Neftçala, Cəlilabad, Biləsuvar, Yevlax, Lənkəran, Zaqatala, Ağstafa, Qazax, Zərdab, Masallı, Quba, Xaçmaz, İmişli, Sabirabad, Saatlı.
- Ov etmək üçün icazə hansı təşkilatlardan alınmalıdır və onların dəyəri nə qədərdir?
- Ov icazəsi Bakı Şəhər Ekologiya və Təbii Sərvətlər Departamenti və Ərazi Ekologiya və Təbii Sərvətlər şöbələrindən alınmalıdır.
Birdəfəlik ov icazəsinin qiyməti aşağıdakı kimi müəyyən edilib:
• Dovşan 2 manat 20 qəpik;
• Çaqqal 3 manat 96 qəpik;
• Yenot və qunduz 1 manat 65 qəpik;
• Təkə 24 manat 75 qəpik;
• Qaban (çöl donuzu) 16 manat 50 qəpik.
- Hansı ərazilərdə ov edilməsi qadağandır?
- Ağdam, Xanlar, Goranboy, Daşkəsən, Gədəbəy və Tərtər rayonlarında, Xəzər dənizinin adalarında, yaşıl zonalarda, xüsusi mühafizə olunan ərazilərdə, şəhərlərin və kurort ərazilərinin ətrafındakı 1 kilometrə qədər sahələrdə ov qadağan edilib.
Bütün xəbərlər Facebook səhifəmizdə
USD
EUR
GBP
RUB