Sumqayıt şəhər S.Rüstəmov adına 3 saylı musiqi məktəbində tədris ilini başa vuran birincilərin iştirakı ilə “Do Re Mi” adlı konsert proqramı təşkil olunub.
SİA xəbər verir ki, bu tədbir gənc istedadların ilk səhnə təcrübəsi olmaqla yanaşı, onların musiqi dünyasına atdığı ilk addımları da əks etdirib.
Konsertdə birincilər müxtəlif musiqi əsərləri ifa ediblər, həmçinin solo və ansambl çıxışları ilə səhnədə özlərini sınayıblar. Onların səmimi ifaları müəllim və valideynlər tərəfindən böyük maraqla qarşılanıb.
Bu tədbir uşaqların musiqiyə olan marağını artırmaq, səhnə mədəniyyəti və özünəinam bacarığını inkişaf etdirmək baxımından xüsusi əhəmiyyət daşıyır. Konsert, həmçinin şagirdlərin gələcək uğurlarına bir zəmin yaratmaq məqsədi daşıyırdı.
S.Rüstəmov adına 3 saylı musiqi məktəbi bu kimi tədbirlərlə şagirdlərin musiqiyə olan marağını daha da gücləndirməyi və onları kiçik yaşlarından sənətlə yaxından tanış etməyi hədəfləyir. Bu işdə məktəbin müəllim heyətinin əməyi əvəzsizdir.
Tədbirin sonunda birincilərə hədiyyələr verilib və müəllimləri ilə birgə xatirə şəkilləri çəkilib.
Bütün xəbərlər Facebook səhifəmizdə
USD
EUR
GBP
RUB