"Asudə vaxt və azadlıq məsələsi zamanla çox dəyişib. Bu da insanların həyatına həm müsbət, həm də mənfi təsirlər göstərir. İndiki zamanda azadlıq tendensiyası nə deməkdir? Texnologiya üzrə azadlıq məsələsinə yanaşsaq, xüsusilə bu gündə dünyanın hər yerində internet insanların asudə vaxtlarını dəyərləndirmək üçün böyük şəraitlər yaradır. Azərbaycan reallığında bu daha çox sosial şəbəkələrdir ki, insanlar öz azad vaxtlarında sosial şəbəkələrdən istifadə edirlər". Bu sözləri SİA-ya açıqlamasında şəxsi inkişaf üzrə kouç, beynəlxalq dərəcəli təlimçi İlahə Adil deyib.
Onun sözlərinə görə, əvvəllər insanlar evdən çıxardılar, fiziki tədbirlərdə iştirak edirdilər, indi isə onlayn internet sayəsində evdən çıxmadan öz işlərini həll etmək imkanları var: "Bu da asudə vaxt keçirməyin mümkünlüyünü onlara yaradır, hətta bəzən insanlara azadlıq hissini verə bilir. Sosial və iş həyatı arasındakı sərhədlər, əsasən də oflayn işləyən insanlar üçün asudə vaxt daha sərbəstdir. Həmçinin iş saatlarının elastik olması insanlar üçün öz vaxtlarının idarə olunmasında daha çox kömək edir. Lakin bu eyni zamanda işlə şəxsi həyatda sərhədin itələmisini, yəni heç bir zaman tam istirahət etməmək hissini yaradır.
İnsanlar öz maraq dairələrinə uyğun olaraq daha çox fərqli hobbilərlə məşğul ola bilirlər. Bununla yanaşı insanlar fiziki və ruhi sağlam qalmaq üçün idman, musiqi kimi fəaliyyətlərlə məşğul ola bilirlər. Azadlığın asudə vaxtının çoxluğunun pozitiv tərəfi insanların özlərini kəşf etməyidir. İnsanlar bu sayədə özlərini kəşf edir, maraqlarına uyğun yeni hobbilər tapa bilir. Sosial əlaqələr həmçinin insanların azad vaxtda bir-biri ilə əlaqələr qurmasına kömək edəcək. Ancaq bunun mənfi təsirləri də var. Mənfi təsirlər bunlardır ki, insanlar depressiyaya düşə bilir, tənhalıq hiss yaşaya bilirlər. Həmçinin çox asudə vaxt insanları sosial ətrafdan uzaqlaşdıra bilir. İnsanlar yalnız özlərini ekranlar vasitəsilə əlaqələndirə bilir. Bu da onları real, sosial əlaqələr qurma qabiliyyətini zəiflədə bilər. Texnologiya vasitəsilə insanların asudə vaxtları israf olunur. Bu da onların peşəkar həyatlarının səmərəsizliyinə yol aça bilir. Ümumiyyətl XXI əsrdə asudə vaxt prizması getdikcə çoxalacaq. Çünki həyatımıza daxil olan məişət əşyaları, yaxud digər əşyalar dolayısı yolla işlərimizi asanlaşdırır".
Bütün xəbərlər Facebook səhifəmizdə
.jpg)
USD
EUR
GBP
RUB