İsmayıllıda ötən günün ikinci yarısında yağan qar gecə saatlarında intensivləşib və hazırda da davam edir. Qarın yağması əsas magistral və daxili yollarda hərəkəti çətinləşdirdiyindən, 9 saylı Yol İstismar İdarəsinin canlı qüvvəsi və texnikası səfərbər edilib.
SİA-nın məlumatına görə, idarənin baş mühəndisi Fazıl Qasımov bildirib ki, əməkdaşlar gecə saatlarından etibarən növbəli şəkildə və fasiləsiz olaraq avtomobil yollarında təmizləmə işlərini davam etdirir. Xüsusilə İsmayıllı-Muğanlı, Qarəməryəm-İsmayıllı və İsmayıllı-Lahıc yollarında qar və buzun təmizlənməsi istiqamətində işlər görülür. Hazırda yolun hərəkət hissəsində qar yoxdur, lakin çiyin hissələrdə qarın hündürlüyü bəzi yerlərdə 70-80 sm-ə çatır.
Hazırda İsmayıllıda havanın temperaturu mənfi 5-6 dərəcədir, duman müşahidə edilir. Bu səbəbdən sürücülərə yolda diqqətli və ehtiyatlı olmaları tövsiyə edilir. Alternativ olaraq, Bakı-Qazax avtomobil yolundan istifadə etmək daha məqsədəuyğun hesab olunur.
Bütün xəbərlər Facebook səhifəmizdə
.png)
USD
EUR
GBP
RUB