Yanvarın 5-də Qazaxıstanın Mangistau vilayətinin akimi Nurdaulet Kilıbay Aktauda “Azərbaycan Hava Yolları” QSC-yə (AZAL) məxsus təyyarənin qəzaya uğraması nəticəsində həlak olanların xilas edilməsində şücaət göstərmiş vətəndaşları mükafatlandırıb.
SİA AZƏRTAC-a istinadən xəbər verir ki, təcili yardım xidmətlərinin əməkdaşları, həkimlər və regional şirkətlərin nümayəndələri “Aybın” və “Kurmet” ordenləri ilə təltif ediliblər.
Pilotlar, xilasedicilər, həkimlər və aviadispetçerlər “Cəsarət” medalı ilə təltif olunublar.
Daha 51 nəfərə Qazaxıstan Prezidenti adından təşəkkürnamə təqdim edilib.
Qeyd edək ki, ötən il dekabrın 25-də Bakı-Qroznı reysini həyata keçirən AZAL-ın sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsində olan 67 nəfərdən 38-i həlak olub, 29-u sağ qalıb.
Bütün xəbərlər Facebook səhifəmizdə
USD
EUR
GBP
RUB